Kung Fu Wushu: u Rwanda rwegukanye imidali 16 mu irushanwa ryo Kwibuka

Kung Fu Wushu: u Rwanda rwegukanye imidali 16 mu irushanwa ryo Kwibuka

Taliki 17 na 18 Kamena 2023 habaye irushanwa ry’umukino wa Kung Fu Wushu mu rwego rwo Kwibuka by’umwihariko abari muri siporo bishwe muri Jenoside yakorewe Abatutsi mu 1994 “ Kung Fu Wushu  Genocide Memorial Tournament 2023”.

Iri rushanwa ryateguwe n’ishyirahamwe ry’umukino wa Kung Fu Wushu mu Rwanda “RKWF” ku bufatanye na Minisiteri ya Siporo  “MINISPORTS” na Komite Olempike y’u Rwanda ryitabiriwe n’abakinnyi 114 baturutse mu bihugu 6  birimo u Rwanda, Tanzania, Kenya, Uganda ,u Burundi na RDC.

Mbere y’uko imikino itangira, taliki 17 Kamena 2023 abitabiriye bose basuye urwibutso rwa Jenoside rwa Kigali ku Gisozi  bashyira indabo ku mva ndetse banasobanurirwa amateka ya Jenoside yakorewe Abatutsi mu 1994.

Irushanwa ryabereye muri  STECOL Corporation mu cyanya cyahariwe inganda i Masoro. Abitabiriye irushanwa bahatanye mu byiciro bibiri birimo icyo kwiyereka “Taolu”  ndetse  n’icyiciro cyo kurwana “Sanda” hagendewe ku biro.

Ikipe y’u Rwanda ni yo yegukanye imidali myinshi 16 ikurikirwa na Kenya yegukanye imidali 5, Uganda yegukanye imidali 4, u Burundi bwegukanye imidali 2 naho Tanzania na RDC zegukana umudali 1.

Perezida wa RKWF, Uwiragiye Marc yatangaje ko irushanwa muri rusange ryagenze neza. Yakomeje avuga ko ari byiza kuba ibi bihugu byo mu Karere  byitabiriye  kugira ngo abaturutseyo  bamenye amateka ya Jenoside yakorewe Abatutsi  mu 1994  bityo bakomeze gufatanya mu kurwanya ingengabitekerezo  yayo  kugira ngo Jenoside ntizongere kuba ukundi.

Perezida wa RKWF, Uwiragiye Marc

Amafoto

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27