Koga: RSF ni yo ibimburiye andi mashyirahamwe y’imikino gutegura irushanwa ryo Kwibuka

Koga: RSF ni yo ibimburiye andi mashyirahamwe y’imikino gutegura irushanwa ryo Kwibuka
Pisine yo muri Green Hills Academy i Nyarutarama ahazabera irushanwa

Kuri uyu wa Gatandatu taliki 16 Mata 2022 hateganyijwe irushanwa ngarukamwaka ryo Kwibuka mu mukino wo Koga “Genocide Memorial Swimming Championship 2022” rizabera muri Green Hills Academy i Nyarutarama  guhera saa tatu (09h00).

Ubusanzwe buri mwaka, amashyirahamwe y’imikino atandukanye ku bufatanye na Minisiteri ya Siporo “MINISPORTS” na Komite Olempike y’u Rwanda ategura irushanwa ryo Kwibuka abari mu muryango mugari wa siporo yaba abakinnyi, abatoza n’abakunzi b’imikino bishwe muri Jenoside yakorewe Abatutsi mu 1994.

Ishyirahamwe ry’umukino wo Koga mu Rwanda “RSF” akaba ari ryo ribimburiye ayandi muri uyu mwaka wa 2022 mu gutegura iri rushanwa.

Biteganyijwe ko iri rushanwa rizitabirwa n’abakinnyi basaga 107 baturutse mu makipe 11 yo bice bitandukanye by’igihugu.

Muri RSF batangaza ko iri rushanwa rizabafasha gutoranya abakinnyi bazitabira shampiyona y’Isi mu mukino wo Koga “FINA World Championships 2022” izabera i Budapest muri Hongrie kuva taliki 17 Kamena kugeza 03 Nyakanga 2022 ndetse n’abazitabira imikino ihuza ibihugu bikoresha ururimi rw’Icyongereza  “Commonwealth Games 2022”  izabera  mu Mujyi wa Birmingham mu Bwongereza taliki 28 Nyakanga kugeza 08 Kanama 2022.

Iri rushana ryo Kwibuka mu Koga ryaherukaga kuba muri 2019  kuko kubera COVID-19 muri 2020 na 2021 nta bwo ryabaye.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27