Kayonza: Fred Hategekimana yagizwe Umuyobozi w’agateganyo w’Akarere

Kayonza: Fred Hategekimana yagizwe Umuyobozi w’agateganyo w’Akarere

Inama Njyanama y’Akarere ka Kayonza yagize Fred Hategekimana Umuyobozi w’agateganyo w’Akarere ka Kayonza mu Ntara y’Iburasirazuba mu gihe Jules Higiro yagizwe Umuyobozi wungirije w’agateganyo.

Aba bayobozi bombi bahawe inshingano zo kuyobora Akarere ka Kayonza nyuma y’aho Komite Nyobozi yose ihagaritswe mu nshingano kuva ku Cyumweru tariki 07 Ukuboza 2025.

Inama Njyanama y’Akarere ka Kayonza yatangaje ko bahagaritswe mu nshingano kubera impamvu z’uko batujuje inshingano zabo uko bikwiye nyuma y’ubusesenguzi bw’Inama Njyanama.

Fred Hategekimana wagizwe Meya, asanzwe amenyereye imiyoborere y’inzego z’ibanze kuko yatyoboye no mu Karere ka Nyagatare nk’Umunyamabanga Nshingwabikorwa.

Jules Higiro na we yakoranye n’inzego zishinzwe inzego z’ibanze nka Minisiteri y’Ubutegetsi bw’igihugu ago yari Umujyanama wigenga (Consultant) w’iyo minisiteri mu bijyanye n’igenamigambi ry’Imidugudu.

Abayobozi bombi bagiye kuyobora Akarere ka Kayonza by’agateganyo mu gihe hategurwa amatora yo gusimbura azaba mu gihe kiri imbere.

Jules Higiro yagizwe Umuyobozi wungirije w’agateganyo
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27