Inzego z’umutekano z’u Rwanda na Mozambique zaganiriye ku iterambere rya Cabo Delgado

Inzego z’umutekano z’u Rwanda na Mozambique zaganiriye ku iterambere rya Cabo Delgado

Umugaba Mukuru w’Ingabo za Mozambique, Gen Admiral Joaquim Mangrasse, yahuye n’Umuyobozi w’Ingabo z’u Rwanda zishinzwe umutekano (RSF) muri icyo gihugu, Maj Gen Emmy K Ruvusha, ku wa 27 Nzeri 2024 baganira ku iterambere rya Cabo Delgado.

Abo bayobozi bombi bahuriye mu Ntara ya Cabo Delgado, mu gace ka Pemba.

Mu itangazo Ingabo z’u Rwanda zagaragaje ko ibiganiro by’abo bayobozi byibanze ku kurebera hamwe imbaraga zikomeje gushyirwa mu kugarura amahoro n’umutekano muri Cabo Delgado, bahangana n’ibikorwa by’iterabwoba.

Mangrasse yasabe inzego z’umutekano z’u Rwanda muri Mozambique, gukomeza ibikorwa byabo, kandi ko bashimirwa akazi bakoze mu myaka ishize kuva batangaira koherezwa muri icyo gihugu kurwanya imitwe y’iterabwoba.

Yashimye kandi ubufatanye hagati y’inzego z’umutekano z’u Rwanda n’iza Mozambique, kuko bwatumye amahoro n’umutekano byongera kugaruka, kandi abakuwe mu byabo n’intambara, mu Ntara ya Cabo Delgado, bagaruka mu byabo.

Izo nzego z’umutekano ku mpande zombi kandi bakomeje kuganira ku guteza imbere umubano mwiza n’ubufatanye kugeza ubu bikomeje kugenda neza, kandi bemeranya gukomeza gushyira imbaraga mu guhangana n’iterabwoba.

Ni iterabwoba bahanganye na ryo binyuze mu gushyira imbaraga mu mirwanire mu myaka itatu ishize, kuva ingabo n’abapoliis ba mbere b’u Rwanda boherezwa muri Cabo Delgado.

U Rwanda rwatangiye kohereza ingabo mu Ntara ya Cabo Delgado muri Nyakanga 2021 mu gufasha ingabo za Mozambique mu guhangana n’ikibazo cy’ibyihebe byari byarayogoje iyo ntara.

Ubwo bufatanye mu kwirukana ibyihebe byo mu mitwe y’iterabwoba, bwatumye abaturage basaga 250 000 bari barakuwe mu byabo bagahungira mu bindi bice by’igihugu bagaruka mu byabo, ubu bakaba bakora ibikorwa by’iterambere basana ibyangijwe n’ibyo bikorwa by’iterabwoba.

`

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27