Intumwa yihariye y’u Bwongereza mu Karere k’Ibiyaga Bigari yakiriwe mu Rwanda

Intumwa yihariye y’u Bwongereza mu Karere k’Ibiyaga Bigari yakiriwe mu Rwanda

Minisitiri w’Ububanyi n’Amahanga n’Ubutwererane, Olivier Nduhungirehe n’Umunyamabanga wa Leta ushinzwe Ubutwererane bw’Akarere, Gen (Rtd) James Kabarebe, bakiriye intumwa yihariye y’u Bwongereza, (UK) mu Karere k’Ibiyaga Bigari, Tiffany Sadler.

Tiffany Sadler yakiriwe mu Rwanda kuri uyu wa 06 Gicurasi aho yaganiriye na Minisitiri Nduhungirehe na Gen (Rtd) ku ngingo zirebana n’umubano w’u Rwanda n’u Bwongereza ndetse n’ibibazo bireba Akarere.

Uruzinduko rwa Tiffany Sadler mu Rwanda rwatangiye kuvugwa mu mpera z’icyumweru gishize, rukaba ari urwa kabiri agiriye mu Rwanda kuva yahabwa inshingano muri Nzeri 2024.

Yagaragaje ko yishimiye kugaruka mu Rwanda kandi ari iby’agaciro.

Aje i Kigali akubutse  i Kampala muri Uganda n’i Kinshaka muri Repubulika ya Demokarasi ya Congo (RDC) aho yagiranye ibiganiro n’abayobozi baho.

Mu ruzinduko rwe mu Rwanda biteganyijwe ko azahura n’abayobozi batandukanye, abahagarariye imiryango itari iya Leta, abacuruzi ndetse hakaganirwa ku ruhare rw’u Bwongereza mu iterambere no kubungabunga amahoro.

Biteganyijwe ko azanasura ibikorwa bishingiye ku bufatanye bw’igihe kirekire bw’u Rwanda n’u Bwongereza mu burezi n’ibindi bitandukanye.

Umunyamabanga wa Leta Ushinzwe Ubutwererane bw’Akarere Gen(Rtd) James Kabarebe na Minisitiri w’Ububanyi n’Amahanga n’Ubutwererane,Olivier Nduhungirehe
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27