Ingabo z’u Rwanda zambitswe imidali kubera gukora kinyamwuga

Ingabo z’u Rwanda zambitswe imidali kubera gukora kinyamwuga

Ingabo z’u Rwanda ziri mu butumwa bw’amahoro bw’Umuryango w’Abibumbye Loni zo mu mutwe wa (Rwanbatt-2) muri Sudani y’Epfo zambitswe imidali n’Ishami ry’Umuryango w’Abibumbye rishinzwe kugarura amahoro, zishimirwa akazi gakomeye zikora kinyamwuga.

Ni ibikorwa izo ngabo zashimiwe, kuri uyu wa Gatatu tariki ya 6 Werurwe 2024, byo kugarura amahoro n’umutekano muri Sudani y’Epfo mu Majyaruguru y’umugezi wa Nile.

Ibyo birori byabereye mu mujyi wa Malakal aho umutwe wa Rwanbatt 2 ufite ibirindiro.

Umuyobozi w’Ingabo ziri mu butumwa bw’amahoro bwa Loni muri Sudani y’Epfo (UNMISS), Lt Gen Mohan Subramanian ni we wayoboye ibyo birori byo kwambika imidali Ingabo z’u Rwanda ziri muri Rwanbatt-2.

Yabashimiye ubwitange bagaragaza mu kazi kabo ndetse n’ibikorwa by’indashyikirwa bakorera mu bice by’Amajyaruguru y’umugezi wa Nile.

Brig. Gen. Rugazora Emmanuel, Uhagarariye ubutumwa bw’Ingabo z’u Rwanda muri Sudandi y’Epfo yashimiye Ingabo z’u Rwanda zoherejwe muri Sudani y’Epfo, ko bakora neza ubutumwa bashinzwe bwa UNMISS.

Muri ibyo birori Lt Col Muhizi Andrew, uyoboye Ingabo z’u Rwanda zo mu mutwe w’ingabo wa Rwanbatt-2 yashimye  imikoranire iri hagati y’ingabo ayoboye na Guverinoma ya Sudani y’Epfo, ubuyobozi bwa UNMISS n’ubundi bushuti buhari bw’ingabo muri icyo gihugu.

Yavuze ko bashimiye imidali bahawe ko  igaragaza icyubahiro ntagereranwa bahabwa ndetse ko ibongereye imbaraga zidasanzwe mu mwuga wabo wa gisirikare.

Lt. Col. Muhizi kandi yashimangiye ko guhabwa imidali k’uyu mutwe w’ingabo z’u Rwanda, byongereye imbaraga n’ubwitange mu gusohoza ubutumwa batumwe no kubahiriza inshingano bafite.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27