Igikombe cy’Amahoro 2022: AS Kigali izakina na APR FC ku mukino wa nyuma

Igikombe cy’Amahoro 2022: AS Kigali izakina na APR FC ku mukino wa nyuma

Police FC 2-2 AS Kigali (2-3)

APR FC 2-1 Rayon Sports (2-1)

Umwanya wa gatatu

Taliki 17-06-2022

Police FC-Rayon Sports

Umukino wa nyuma

Taliki 18-06-2022

AS Kigali-APR FC

Nyuma y’imikino ya ½  yo kwishyura mu irushanwa ry’igikombe cy’Amahoro 2022  yabaye taliki 18 na 19 Gicurasi 2022, ikipe ya AS Kigali   na APR FC ni zo zabonye itike yo gukina umukino wa nyuma.

Ikipe ya AS Kigali  yasezereye Police FC iyitsinze ibitego 3-2 mu mikino yombi. Umukino ubanza AS Kigali yatsinze Police FC igitego 1-0 naho uwo kwishyura aya amakipe yombi anganya ibitego 2-2.

AS Kigali yageze ku mukino wa nyuma isezereye Police FC

Ku rundi ruhande, ikipe ya APR FC yageze ku mukino wa nyuma isezereye Rayon Sports ku bitego 2-1. Umukino ubanza aya makipe yanganyije 0-0 naho umukino wo kwishyura, APR FC itsinda Rayon Sports ibitego 2-1.

Abakinnyi ba APR FC bishimira gusezerera ikipe ya Rayon Sports

Ikipe ya AS Kigali ni yo ifite igikombe cy’Amahoro ubwo giheruka gukinirwa muri 2019 aho yacyegukanye itsinze  Kiyovu ku mukino wa nyuma. Iyi kipe ni inshuro ya 4 igeze ku mukino  kandi inshuro 3 ziheruka  yegukanye igikombe.

Kuri APR FC yaherukaga ku mukino wa nyuma muri 2017 aho yegukanye igikombe itsinze Espoir FC. Iyi kipe yari yageze ku mukino wa nyuma muri 2016 ariko itsindirwa na Rayon Sports.

Ikipe yegukanye igikombe cy’Amahoro ibona itike yo guserukira u Rwanda mu mikino y’Afurika y’amakipe yitwaye neza iwayo “TotalEnergies CAF Confederation Cup.”

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27