U Rwanda rwashimye u Busuwisi bwafunguye Ambasade i Kigali

U Rwanda rwashimye u Busuwisi bwafunguye Ambasade i Kigali

Minisitiri w’Intebe Dr. Justin Nsengiyumva yakiriye Ignazio Cassis, Umunyamabanga wa Leta y’u Busuwisi Ushinzwe Ububanyi n’Amahanga, anashimira Leta y’u Busuwisi yafashe icyemezo cyo gushyira ambasade yabwo i Kigali.

Ignazio Cassis, Umunyamabanga wa Leta y’u Busuwisi Ushinzwe Ububanyi n’Amahanga, ari mu Rwanda aho yitabiriye inama ya 46 y’Abaminisitiri ba Francophonie.

U Busuwisi bwashyize Ambasade yabwo mu Rwanda hagamijwe guteza imbere ubutwererane hagati y’ibihugu byombi. Ni igikorwa cyabaye kuri uyu wa 20 Ugushyingo 2025.

Umubano w’ibihugu byombi ushingiye ku nzego zitandukanye zirimo ubuzima, uburezi, ibikorwa remezo, imiyoborere n’umuco.

Minisitiri w’Intebe Dr. Nsengiyumva yashimiye Cassis uri mu Rwanda, uruhare rwe mu nama y’Abaminisitiri ba Francophonie.

Yamushimiye kandi icyemezo cya Guverinoma y’u Busuwisi cyo gushyira ambasade yayo i Kigali, yemeza ko ari intambwe ikomeye mu gushimangira umubano w’ibihugu byombi.

Cassis yemeje ko u Busuwisi buzakomeza gushimangira ubutwererane bushingiye ku bukungu no kurushaho kwagura imikoranire yabwo n’u Rwanda.

U Rwanda na Suisse ni ibihugu bimaze kugirana umubano w’ubutwererane ukomeye kuva mu ntangiriro y’umwaka wa 1960.

Amafoto: Primature

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27