Gen. Kainerugaba yatangiye uruzinduko rw’akazi mu Rwanda 

Gen. Kainerugaba yatangiye uruzinduko rw’akazi mu Rwanda 

Umugaba Mukuru w’Ingabo za Uganda (UPDF) Gen Muhoozi Kainerugaba, yageze i Kigali mu Rwanda aho yatangiye uruzinduko rw’akazi rugamije gukorwamo ibiganiro byo ku rwego rwo hejuru n’abayobozi batandukanye. 

Gen. Muhoozi ageze i Kigali nyuma y’iminsi ateguje ko agiye kongera gukorera uruzinduko mu Rwanda, akaba yageze ku Kibuga cy’Indege Mpuzamahanga cya Kigali ku mugoroba wo kuri uyu wa Kane tariki ya 20 Werurwe 2025. 

Akigera i Kigali yakiriwe n’Umugaba w’Ingabo z’u Rwanda (RDF)  Gen. Mubarakh Muganga.

Mu kwezi gushize ni bwo Gen Muhoozi, yatangaje ko ateganya gusura abasirikare ba RDF. 

Yavuze kandi ko Umugaba Mukuru w’Ingabo z’u Rwanda Gen Muganga, na we ashobora kuzamwishyura ajya gusura Ingabo za Uganda, yongeraho ati: “Uganda n’u Rwanda ni bamwe ibihe byose.”

Mu biganiro ateganya kugirana n’ubuyobozi bwa RDF harimo ibizagaruka ku kurushaho kwimakaza ubufatanye mu bya gisirikare n’ingingo zirebana n’umutekano wo mu Karere ibihugu byombi bihuriramo. 

Gen Muhoozi yaherukaga mu Rwanda muri Kanama 2024, aho yari yitabiriye irahira rya Perezida wa Repubulika Paul Kagame watorewe gukomeza kuyobora u Rwanda muri manda y’imyaka itanu. 

Gen Muhoozi ashimirwa n’abaturage b’u Rwanda na Uganda ku bw’uruhare agira mu gusigasira umubano wabyo uzira amakemwa.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27