FERWABA yamuritse ikirango cya shampiyona ya Basketball

FERWABA yamuritse ikirango cya shampiyona ya Basketball
Ikirango gishya cya shampiyona ya Basketball

Ishyirahamwe ry’umukino wa Basketball mu Rwanda “FERWABA” ryamuritse ikirango “Logo” cya shampiyona  ndetse hanahembwa uwakoze iki kirango.

Uyu muhango wabereye muri Kigali Arena ku wa Gatatu taliki 23 Werurwe 2022 aho Umuyobozi ushinzwe ibikorwa muri FERWABA, Jabo Landry  yanashyikirije sheki y’ibihumbi 500  Mukama D’Amour wakoze  iki kirango.

Mukama D’Amour ashyikirizwa sheki y’ibihumbi 500

Kugeza ubu nyuma y’uko amasezerano ya BK na FERWABA bari bafitanye arangiye, shampiyona y’u Rwanda nta muterankunga ifite. Umuyobozi ushinzwe ibikorwa muri FERWABA, Jabo Landry  avuga ko barimo kuganira n’abafatanyabikorwa batandukanye kandi bafite icyizere ko mu minsi iri imbere umuterankunga azaboneka.

Shampiyona y’icyiciro cya mbere mu bagabo n’abagore kuva taliki 11 Werurwe 2022 yaratangiye ubu igeze ku munsi wa 7 mu bagabo n’umunsi wa 3 mu bagore.

Umujyanama mu bya Tekinike, Habimana Mugwaneza Claudette  atangaza ko shampiyona y’icyiciro cya mbere mu bagabo yitabiriwe n’amakipe 14 ari yo REG BBC, Patriots BBC, APR BBC, IPRC Kigali, IPRC Huye, UGB, Shoot 4 Stars BBC, Tigers BBC, 30 Plus, Rusizi BBC, Espoir BBC, IPRC Musanze, UR Huye na UR CMHS.

Mu bagore amakipe yitabiriye shampiyona ni 8 ari yo REG BBC, The Hoops , IPRC Huye, APR BBC, GS Marie Reine, UR Huye, ADEGGI na UR CMHS.

Biteganyijwe ko imikino ibanza izasozwa taliki 05 Gicurasi 2022.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27