Dr. Nsengiyumva yitabiriye irahira rya Alassane Ouattara

Dr. Nsengiyumva yitabiriye irahira rya Alassane Ouattara

Minisitiri w’Intebe w’u Rwanda, Dr. Justin Nsengiyumva, yifatanyije n’abandi Bakuru b’Ibihugu na za Guverinoma mu muhango w’irahira rya Alassane Ouattara, uherutse gutorerwa kuyobora Côte d’Ivoire, muri manda ya kane y’imyaka ine iri imbere.

Ni umuhango wabereye mu Biro by’Umukuru w’Igihugu biherereye i Abidjan, kuri uyu wa Mbere, tariki ya 8 Ukuboza 2025, byitabiriwe n’Abakuru b’Ibihugu ba Afurika 11 n’abandi bahagarariye Guverinoma zabo batandukanye.

Ibihugu byo hanze byohereje ababihagarariye harimo u Bufaransa na Leta Zunze Ubumwe za Amerika (USA), Minisitiri w’Intebe Dr. Nsengiyumva akaba yahagarariye Perezida wa Repubulika Paul Kagame.

Alassane Ouattara uzaba yujuje imyaka 84 y’amavuko muri Mutarama 2026, ni we watsinze amatora yabaye ku wa 25 Ukwakira 2025, ku majwi 89.77% ahigitse abarimo Jean-Louis Billon, wabonye amajwi 3.09% na Simone Gbagbo, wahoze ari umugore wa Laurent Gbagbo na we wayoboye Côte d’Ivoire, wagize amajwi 2.42%.

Umubano w’u Rwanda na Côte d’Ivoire wo umaze kwaguka mu ngeri zinyuranye. Ibihugu byombi na byo byasinye amasezerano y’ubufatanye mu by’indege. Kuva mu Ukwakira 2016, indege za Sosiyete Nyarwanda y’Ubwikorezi bwo mu kirere, RwandAir, ikora ingendo zerekeza i Abidjan.

Muri Werurwe uyu mwaka, Ambasaderi w’u Rwanda muri Ghana, Rosemary Mbabazi yashyikirije Perezida Ouattara impapuro zo guhagararira u Rwanda muri icyo gihugu.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27