Cricket: Harasozwa imikino yo gushaka itike y’igikombe cy’Isi mu itsinda B

Cricket: Harasozwa imikino yo gushaka itike y’igikombe cy’Isi mu itsinda B

Taliki 09-12-2022

Mozambique-Sierra Leon (Gahanga-09h30)

Cameroun-Gambia (IPRC Kigali-13h45)

Ghana-Nigeria (Gahanga-13h45)

Cameroun-Tanzania (IPRC Kigali-13h45)

Kuri uyu wa Gatanu taliki  09 Ukuboza 2022 ni bwo hasozwa imikino  yo gushaka itike y’igikombe cy’Isi 2024 mu mukino wa Cricket mu bagabo  “ICC Men’s T20 World Cup 2024” ku rwego rw’Afurika  mu itsinda B “ICC Men’s T20 World Cup Africa Sub-Regional Qualifier  Group B”.

Nyuma y’imikino y’umunsi wa 6 yabaye taliki 08 Ukuboza 2022,ikipe ya Nigeria na Tanzania zamaze gukatisha itike yo kuzakina imikino ya nyuma ku rwego rw’Afurika.

Mu mukino wahuje aya amakipe yombi, Nigeria yatangiye ikubita agapira ishaka amanota “Batting” maze mu dupira 118 (19.4 Overs) ikora amanota 101 mu gihe abakinnyi 10 bosohowe mu kibuga.

Mu gice cya kabiri, ikipe ya Tanzania yatangiye na yo gukubita agapira ishaka amanota “Batting”, ubwo yari imaze gukina udupira 27 (4.3 Overs) yanakoze amanota 19, haguye imvura bituma umukino uhagarara, zombi zihabwa inota rimwe.

Mu yindi mikino yabaye, ikipe ya Gambia yatsinzwe na Ghana  inatsindwa na Mozambique.

Umukino wahuje Cameroun na Eswatini na wo ntabwo warangiye kubera imvura bituma buri kipe ihabwa inota rimwe.

 Kuri ubu  mbere y’imikino y’umunsi wa nyuma, ikipe ya Nigeria na Tanzania zirayoboye n’amanota 11, zikurikiwe na Mozambique (8), Sierra Leone (8), Ghana (6), Eswatini  (3), Cameroun  (1) na Gambia (0).

Gahunda y’imikino y’umunsi wa  nyuma

Imikino y’umunsi wa nyuma wa 7 iteganyijwe kuri uyu wa Gatanu taliki 09 Ukuboza 2022, ikipe ya Mozambique irakina na Sierra Leone i Gahanga (09h30), Cameroun ikine na Gambia muri IPRC Kigali (09h30), Ghana ikine na Nigeria i Gahanga (13h45) naho Cameroun ikine na Tanzania muri IPRC Kigali (13h45).

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27