Cricket: Challengers CC ikomeje kwitwara neza muri “Dafabet RCA T10 Men’s Tournament 2023”

Cricket: Challengers CC ikomeje kwitwara neza muri “Dafabet RCA T10 Men’s Tournament 2023”

IPRC Kigali 83-58 Kigali CC

Right Guards CC 52-56 Zonic Tigers CC

Telugu Royals CC 66-68 Challengers CC

Ikipe ya Challengers CC ikomeje kwitwara neza mu irushanwa “Dafabet RCA T10 Men’s Tournament 2023”  aho rigeze ku munsi wa 3.

Iri rushanwa ryateguwe n’ishyirahamwe ry’umukino wa Cricket mu Rwanda “RCA” ku bufatanye na Dafabet ryitabiriwe n’amakipe 6 asanzwe akina shampiyona y’icyiciro cya mbere mu bagabo ari yo Challengers CC, Right Guards CC,  Zonic Tigers CC,  Kigali CC, Telugu Royals CC na IPRC Kigali CC.

Taliki 18 na 19 Werurwe 2023 habaye imikino y’umunsi wa mbere n’uwa kabiri hanyuma taliki 26 Werurwe 2023 habaye imikino y’umunsi wa 3.

Mu mikino yabaye, ikipe ya IPRC Kigali yatsinze Kigali CC.

Ikipe ya Right Guards CC  yitwaye neza itsinda Zonic Tigers CC.

Ikipe ya Challengers CC yatsinze Telugu Royals CC.

Nyuma y’iyi mikino y’umunsi wa 3, ikipe ya Challengers CC ikomeje kuyobora urutonde by’agateganyo n’amanota 6, ikurikiwe na IPRC Kigali CC na Zonic Tigers CC zifite amanota 4. Ku mwanya wa 4 hari Right Guards CC n’amanota 2 inganya na Telugu Royals CC iri ku mwanya wa 5 naho ku mwanya wa 6 hari Kigali CC idafite inota na rimwe.

Imikino y’umunsi wa 4 n’uwa 5 biteganyijwe ko izakinwa mu mpera z’iki Cyumweru taliki 01 na 02 Mata 2023. Aya makipe nyuma yo gukina hagati yayo, ikipe ya mbere n’iya kabiri zizahatanira igikombe, taliki 15 Mata 2023. Imikino yose igomba kubera kuri Sitade Mpuzamahanga ya Gahanga.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27