Bugesera: RDF yatashye ubwato bwa miliyoni 40Frw

Bugesera: RDF yatashye ubwato bwa miliyoni 40Frw

Umugaba Mukuru w’Inkeragutabara (RDF Reserve Force), Maj. Gen. Alex Kagame, Guverineri w’Intara y’Iburasirazuba Pudence Rubingisa, hamwe n’Umuyobozi w’Akarere ka Bugesera Richard Mutabazi, kuri uyu wa Kane batashye ku mugaragaro ubwato bw’ubukerarugendo (Amarebe Cycle Boat Tour), bwubatswe ku bufatanye bw’inkeragutabara zikomoka mu Karere ka Bugesera.

Iki gikorwa ni igice cy’ishoramari rikomeye mu guteza imbere ubukerarugendo muri aka Karere, kikaba kitezweho koroshya ingendo ku Kiyaga cya Mirayi, kimwe mu byiza nyaburanga biri mu Karere ka Bugesera gafite.

Uyu mushinga wo kubaka ubu bwato watwaye asaga miliyoni 40 z’amafaranga y’u Rwanda.

Mu ijambo rye ubwo hatahwaga ku mugaragaro ubu bwato, Maj. Gen. Kagame yashimye iki gitekerezo cyatangijwe n’ubufatanye bw’abasirikare b’inkeragutabara, agaragaza ko ubufatanye n’ubumwe byabaranze ari urugero rwiza.

Yabashishikarije gukomeza gukorera hamwe no gukomeza guteza imbere ibikorwa byabo, yibutsa ko amakoperative ari uburyo bwiza bwo kwihutisha iterambere ry’ubukungu n’imibereho myiza y’abaturage

Yongeye kwizeza ko Ingabo z’Igihugu zizakomeza gutera inkunga imishinga nk’iyi, cyane cyane iyerekana icyerekezo gifatika cyo guteza imbere abaturage.

Guverineri w’Intara y’Iburasirazuba, Rubingisa na we yijeje ko Intara ayoboye izakomeza gushyigikira uyu mushinga uko bishoboka kose, agaragaza ko wateguwe hagamijwe kuzamura imibereho myiza y’abaturage no guteza imbere ubukerarugendo.

Yashimangiye ko ari inshingano rusange gufatanya kugira ngo uyu mushinga uzagere ku ntego zawo z’igihe kirekire.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27