Birmingham 2022: Ikipe y’u Rwanda muri Beach Volleyball yageze muri ¼

Birmingham 2022: Ikipe y’u Rwanda muri Beach Volleyball yageze muri ¼

Kuva taliki 28 Nyakanga 2022 mu mujyi wa Birmingham mu Bwongereza harimo kubera mikino ihuza ibihugu byibumbiye mu muryango w’ibihugu bikoresha ururimi  rw’Icyongereza “Commonwealth Games 2022”.

Ikipe yaserukiye u Rwanda muri Volleyball ikinirwa ku mucanga “Beach Volleyball”  igizwe na Ntagengwa Olivier na  Gatsinzi Vénuste yitwaye neza ibona itike yo gukomeza muri ¼ cy’irangiza.

Iyi kipe iri mu itsinda B hamwe na Australia (Paul Burnett na Christopher “Chris” McHugh), Afurika y’Epfo (Leo Williams na Grant Goldschmidt) na Maldives (Sajid Ismail na Adam Naseem).

Umukino wa mbere wabaye taliki 30 Nyakanga 2022, ikipe y’u Rwanda yatsinze Afurika y’Epfo amaseti 2-0 (21-19 na 21-16).

Umukino wa kabiri wabaye kuri uyu wa mbere taliki 01 Kanama 2022, ikipe y’u Rwanda yatsinze Maldives amaseti 2-1 (21-16, 14-21 na 16-14).

Gutsinda uyu mukino byatumye ikipe y’u Rwanda ikatisha itike ya ¼ cy’irangiza kuko ubu iri ku mwanya wa kabiri inyuma ya Australia iyoboye itsinda, zose zikaba zimaze gutsinda imikino ibiri.

Ku wa Gatatu taliki 03 Kanama 2022 ni bwo hazaba umukino wa nyuma mu itsinda B aho ikipe y’u Rwanda igomba gukina na Australia. Ikipe izatsinda umukino ni yo izazamuka iyoboye iri tsinda.

Muri iki cyiciro hitabiriye amakipe 12 ashyirwa mu matsinda 3, amakipe 2 muri buri tsinda (4)  kongeraho amakipe 2 yabaye aya  3 yitwaye neza azakomeza muri ¼ cy’irangiza.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27