Basketball: Ikipe y’u Rwanda mu bakina ari batatu iri muri Romania
-
- Nzeri 12, 2022
- Hashize imyaka 4
Ikipe y’igihugu y’u Rwanda y’abahungu bakina umukino wa Basketball mu cyiciro cy’abakina ari batatu kuri batatu (3×3) iri muri Romania aho yitabiriye irushanwa ry’abatarengeje imyaka 23 “FIBA 3×3 U-23 Nations League Finals 2022” rizaba taliki 14 kugeza 16 Nzeri 2022.
Iyi kipe y’u Rwanda igizwe n’abakinnyi 4 ari bo Uwitonze Justin, Turatsinze Olivier, Gasana Sano na Ngabonziza Patrick.
Ikipe y’u Rwanda yabonye itike yo gukina iri rushanwa nyuma y’uko yitwaye neza ikaba iya mbere mu mikino y’Afurika “FIBA 3×3 Nations Africa League” yabereye i Nairobi muri Kenya kuva taliki 11 kugeza 16 Nyakanga 2022.
Muri iyi mikino y’Afurika , ikipe y’u Rwanda yabaye iya mbere ikurikirwa na Uganda, Kenya (3), Botswana (4) na Benin (5). Abakinnyi bari baserukiye u Rwanda i Nairobi Ngabonziza Patrick (14), Kazeneza Emile Galois (10), Turatsinze Olivier (4) na Uwitonze Justin (7).
-
- Nzeri 12, 2022
- Hashize imyaka 4
