Basketball: Ikipe ya APR BBC yitabiriye imikino y’Afurika muri Mozambique

Basketball: Ikipe ya APR BBC yitabiriye imikino y’Afurika muri Mozambique

Kuva taliki 09 kugeza 17 Ukuboza 2022 i Maputo muri Mozambique hazabera imikino y’Afurika y’amakipe mu cyiciro cy’abagore “FIBA Women Champions Club 2022”.

Ikipe ya APR BBC ihagarariye u Rwanda yitabiriye iyi mikino ku butumire nyuma yo gusoreza ku mwanya wa gatatu mu mikino y’Akarere ka 5 aho yatsinze REG BBC   na yo yo mu Rwanda  amanota 42 kuri 39.

Amakipe yari yabonye itike akaba ari Alexandria SC yo mu Misiri yegukanye igikombe itsinze KPA (Kenya) amanota 78 kuri 67.

Ikipe ya APR BBC (Rwanda), Alexandria SC (Misiri) na KPA (Kenya) zihagarariye Akarere ka 5 ziri mu makipe 10 agiye gukina iyi mikino y’Afurika “FIBA Women Champions Club 2022” ari yo Costa do Sol BBC, Ferroviario de Maputo BBC  (Mozambique), ASC Ville Dakar (Senegal), Energie BBC (Benin), Overdose Up Station (Cameroun), ASB CNSS (RDC) na InterClube de Luanda (Angola).

Iri rushanwa ubwo riheruka muri 2019 mu Misiri  ryegukanwe n’ikipe ya Ferroviario de Maputo BBC  itsinze  InterClube de Luanda amanota 91 kuri 90.

Ikipe ya Ferroviario de Maputo BBC ifite igikombe cy’Afurika giheruka

Abakinnyi ikipe ya APR BBC izifashisha muri iri rushanwa

Ikipe ya APR BBC ubu iri i Maputo muri Mozambique kuva taliki 07 Ukuboza 2022 aho yajyanye abakinnyi 12 izifashisha.

Aba bakinnyi ni Tetero Odile (4), Imanizabayo Marie Laurence (5), Umuhoza Akimana Martine « Kavende » (6), Usanase Stacy Charlène (8), Kantore Sandra  (9), Mugisha Uwera Bénigne (10), Uwizeye Assouma (11), Akimana Ange (12), Umuhoza Jordan Odette (13),  Ebengo Isomi Feza (14), Umugwaneza Charlotte (15), Nsanzabaganwa Nelly Sandrine (77).

Iyi kipe ya APR BBC yaherukaga kwitabira iyi mikino y’Afurika muri 2008 ubwo  yaberaga muri Kenya aho yasoreje ku mwanya wa 7.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27