AS Kigali  yasezerewe mu mikino y’Afurika

AS Kigali  yasezerewe mu mikino y’Afurika

Al-Nasr 1-0 AS Kigali (1-0)

Ikipe ya AS Kigali  yari ihagarariye u Rwanda mu mikino y’Afurika y’amakipe yitwaye neza iwayo  “TotalEnergies CAF Confederation Cup  2022-2023” yamaze gusezererwa nyuma yo gutsindwa n’ikipe ya  Al-Nasr Benghazi  yo muri Libiya mu cyiciro cya kabiri cy’imikino y’amajonjora.

Taliki 16 Ukwakira 2022 ni bwo habaye umukino wo kwishyura wabereye i Benghazi muri Libiya maze ikipe ya Al-Nasr Benghazi   itsinda AS Kigali igitego 1-0. Iyi kipe ya Al-Nasr yahise ikomeza ku gitego 1-0 mu mikino yombi kuko mu mukino ubanza wabereye i Huye, amakipe yombi yari yanganyije 0-0.

Iyi kipe ya AS Kigali  yari yitwaye neza mu mikino y’ijonjora y’icyiciro cya mbere  isezerera ikipe ya ASAS Télécom yo muri Djibouti ku gitego 1-0 mu mikino yombi.

Ikipe ya Al-Nasr yakomeje mu cyiciro cya gatatu kibanziriza kujya mu matsinda izahura n’imwe mu makipe yaviriyemo mu cyiciro cya kabiri mu mikino y’Afurika y’amakipe yatwaye ibikombe iwayo “TotalEnergies CAF Champions League 2022-2023” ari yo TP Mazembe (RDC), Al Ahli Tripoli (Libya), ASEC Mimosas (Cote d’Ivoire), 1º de Agosto (Angola), Royal Leopards (Eswatini), Young Africans (Tanzania), Flambeau du Centre (Burundi), Djoliba (Mali), ASN Nigelec (Niger), Plateau United (Nigeria), Rivers United (Nigeria), La Passe (Seychelles), Cape Town City (South Africa), ASKO Kara (Togo), US Monastir (Tunisia) n’izatsindwa hagati ya  Rail Club du Kadiogo (Burkina Faso) na AS Vita Club (RDC).

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27