Amagare: Mu Rwanda hatangijwe ikipe nshya iri ku rwego mpuzamahanga

Amagare: Mu Rwanda hatangijwe ikipe nshya iri ku rwego mpuzamahanga

Ikipe ya May Stars Continental Team yahawe uburenganzira n’ishyirahamwe ry’umukino w’amagare ku Isi “UCI” gukorera mu Rwanda nk’ikipe iri ku rwego mpuzamahanga.

Iyi kipe yatangijwe n’abantu bakomoka mur Eritrea ari bo Aklilu Haile Zeweldi uzaba ari umutoza, Yonas Goitom Tesfamariam akaba ari umutoza wungirije ndetse n’Umunyarwanda, Rukundo Samuel.

Ikipe ya May Stars Continental Team yatangiranye abakinnyi 11 barimo 6 bakomoka mu Rwanda n’abandi 5 bakomoka muri Eritrea.

Aba bakinnyi ni Bigirimana Jean Nepo, Hakizimana Felicien, Kwizera Elie, Niyonshuti Jean Pierre, Nsabimana Jean Baptiste, Nsengiyumva Shemu (Rwanda), Natnael Abraham, Nigusebrahan Gebremichael, Nahom Kifle, Natan Medhanie, na Samuel Misgena (Eritrea).

Hakizimana Felicien, umwe mu bakinnyi b’ikipe ya May Stars Continental Team akaba akomoka mu Rwanda

Iyi kipe ikaba yiganjemo abakinnyi bahoze bakinira ikipe ya Skol Adrien Cycling Academy “SACA” yakinnye imyaka 2 (2020 na 2021) amarushanwa mpuzamahanga ariko uyu mwaka wa 2022 ikaba itariyandikishije muri UCI.

Ikipe ya May Stars Continental Team izaba ihanganye na Benediction Ignite isanzwe ari ikipe mpuzamahanga ikaba ibarizwa mu Karere ka Rubavu.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27