Abasikare babiri b’u Rwanda basoje amasomo muri Ethiopia

Abasikare babiri b’u Rwanda basoje amasomo muri Ethiopia

Ba Ofisiye bato babiri bo mu Ngabo z’u Rwanda (RDF) barangije amasomo yo ku rwego rwa ‘Cadet’ mu Ishuri Rikuru rya Gisirikare ‘Holeta Military Academy’ muri Ethiopia. Umuhango wo gusoza ayo masomo  wabaye kuri uyu wa Gatandatu, tariki ya 25 Nyakanga 2026, uyoborwa n’Umugaba Mukuru w’Ingabo za Ethiopia (FDRE Defense Force), Field Marshal Birhanu Jula.

Mu banyeshuri basoje amasomo, Officer Cadet Niyigena Lucie yahize abandi banyeshuri b’abanyamahanga, nyuma yo kugaragaza ubuhanga n’imyitwarire myiza mu masomo ya gisirikare.

Muri uyu muhango, u Rwanda rwari ruhagarariwe na Col. David Sangani, ushinzwe ibikorwa bya gisirikare (Defence Attaché) muri Ambasade y’u Rwanda muri Ethiopia.

Kohereza abasirikare bato kwiga mu mashuri mpuzamahanga nk’iri, ni kimwe mu bikorwa bishimangira umuhate w’Ingabo z’u Rwanda wo gukomeza kongerera abasirikare ubushobozi n’ubumenyi bwimbitse, no gushyigikira ubufatanye bw’ibihugu mu kubungabunga umutekano mu Karere.

Officer Cadet Niyigena Lucie wahize abandi banyeshuri b’abanyamahanga yashimiwe
Ba Ofisiye bato babiri bo mu Ngabo z’u Rwanda (RDF) barangije amasomo yo ku rwego rwa ‘Cadet’ muri Ethiopia
Amasomo yatangiwe mu Ishuri Rikuru rya Gisirikare ‘Holeta Military Academy’ muri Ethiopia
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27