BAL 2022: US Monastir ikomeje kwitwara neza mu mikino y’amajonjora

BAL 2022: US Monastir ikomeje kwitwara neza mu mikino y’amajonjora

SLAC 90-74 CFV Beira

US Monastir 74-62 DUC

Taliki 14-03-2022

REG BBC-US Monastir (Dakar Arena-19h30)

AS Salé-SLAC (Dakar Arena-23h00)

Ikipe ya US Monastir yo muri Tunisia yageze ku mukino wa nyuma muri BAL 2021 ikomeje kwitwara neza mu mikino y’amajonjora ya BAL 2022 yo mu itsinda rya mbere “Sahara Conference” irimo kubera i Dakar muri Senegal.

Iyi kipe yitwaye neza mu mukino wa kane itsinda ikipe DUC yo muri Senegal amanota 74 kuri 62. Uyu mukino wabaye taliki 12 Werurwe 2022.

Undi mukino wabaye, ikipe ya SLAC yo muri Guinea yatsinze ikipe ya CFV Beira yo muri Mozambique amanota 90 kuri 74.

Nyuma y’iyi mikino, ikipe ya US Monastir iyoboye urutonde aho imaze gutsinda imikino yayo 4, ikurikiwe na SLAC imaze gutsinda imikino 2 muri 4. Ikipe ya DUC iri ku mwanya wa 3 aho imaze gutsinda umukino umwe muri 4, ikipe ya CFV Beira iri ku mwanya wa 4 imaze gutsinda umukino 1 muri 4, ikipe ya REG BBC iri ku mwanya wa 5 aho imaze gutsinda imikino 2 muri 3 naho ku mwanya wa 6 hari AS Sale imaze gutsinda umukino 1 muri 3.

Imikino irimo kugana ku musozo

Kuri uyu wa Mbere taliki 14 Werurwe 2022 hazakinwa imikino ibanziriza iy’umunsi wa nyuma. Mu mikino iteganyijwe, ikipe ya REG BBC izakina na US Monastir (19h30) naho ikipe ya AS Salé ikine na SLAC (23h00). Iyi mikino nk’ibisanzwe izabera muri Dakar Arena.

Iyi mikino y’amajonjora ni iyo mu itsinda rya mbere “Sahara Conference” rigizwe na  US Monastir  (Tunisia), AS Salé (Maroc), SLAC (Guinea), DUC (Senegal), Ferroviário da Beira (Mozambique) na REG BBC (Rwanda). Nyuma yo gukina hagati yayo, amakipe 4 ya mbere azakomeza muri ¼.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27