Nyuma ya Perezida Museveni nta musivili uzayobora – Kainerugaba

Nyuma ya Perezida Museveni nta musivili uzayobora – Kainerugaba

Umugaba Mukuru w’Ingabo za Uganda, Gen Muhoozi Kainerugaba, yatangaje ko nta musivili ushobora kuzayobora Ubugande nyuma ya Perezida wa Repubulika Kaguta Yoweli Museveni.

Mu butumwa yashyize ku rubuga rwe rwa X mu gitondo cyo kuri uyu wa Gatandatu tariki 21 Nzeri, Gen Kainerugaba yagaragaje ko igihugu kizayoborwa n’Umusirikare cyangwa Umupolisi.

Yagize ati: “Nta musivili uzayobora Ubuganda nyuma ya Perezida Museveni. Inzego z’umutekano ntizizabyemera. Umuyobozi uzakurikiraho azaba ari umusirikare cyangwa umupolisi.”

Mu ntangiriro z’umwaka ushize wa 2023, Gen Kainerugaba yavuze ko umunsi umwe azaba Perezida wa Uganda ndetse asaba Umukuru w’iki gihugu akaba na Se, Yoweri Kaguta Museveni, kumusubiza ku buyobozi bw’Ingabo yari amaze igihe akuweho.

Gen Muhoozi ni umugabo w’imyaka 50 akaba umubyeyi w’abana batatu. Yabonye izuba ku wa 24 Mata 1974, avukira muri Tanzania mu Mujyi wa Dar es Salaam, aho se (Yoweri Kaguta Museveni) yabaga.

Ni imfura mu muryango w’iwabo akaba ari na we muhungu rukumbi Perezida Museveni afite.

Mu 1999 nibwo Kainerugaba yinjiye mu ngabo za Uganda, mu 2000 arangiza amasomo yakurikiranaga mu ishuri rya gisirikare rya Royal Military Academy Sandhurst mu Bwongereza.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27