U Rwanda rwakiriye icyiciro cya 18 cy’abimukira bavuye muri Libya 

U Rwanda rwakiriye icyiciro cya 18 cy’abimukira bavuye muri Libya 

Kuri uyu wa Kane, u Rwanda rwakiriye ikindi cyiciro cy’abimukira n’abasaba ubuhungiro 113 baturutse muri muri Libya, muri gahunda y’agateganyo yo kubakira mu gihe bategereje kwimurirwa mu bindi bibugu by’i Burayi n’Amerika byemera kubakira.

Iyo gahunda yiswe ETM ni iy’ubutabazi yatangiye mu myaka 5 ishize hagamijwe gusigasira uburenganzira bw’abasaba ubuhungiro ku bushake bwabo kandi mu gihe gito mbere y’uko bakirwa n’ibindi bihugu.

Iki cyiciro cya 18 kigizwe n’abimukira n’abasaba ubuhungiro baturutse mu bihugu bitandatu by’Afurika.

Minisiteri Ishinzwe Ibikorwa by’Ubutabazi  yatangaje ko guhera mu waka wa 2019 u Rwanda rumaze kwakira abimukira n’abasaba ubuhungiro baturutse muri Libya babariwa mu 2.468.

U Rwanda rwongeye gushimangira ko rwiyemeje gutanga umusanzu warwo mu gushaka ibisubizo by’ibibazo mpuzamahanga birimo n’ibyo guhashya ubuhunzi n’ubwimukira buterwa no kubura amahirwe. 

 Guverinoma y’u Rwanda kandi yemeza ko izatanga inkunga yose ikenewe mu gufasha abantu bakeneye ubufasha aho baba bari hose.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27