Perezida Kagame yatangije umwiherero w’abagize Guverinoma

Perezida Kagame yatangije umwiherero w’abagize Guverinoma

Ku gicamunsi cyo kuri uyu wa Kabiri tariki 19 Werurwe 2024, Perezida wa Repubulika Paul Kagame yatangije umwiherero witabiriwe n’abagize Guverinoma ndetse n’abandi bayobozi bakuru mu gihugu.

Ni umwiherero urimo kubera ku Ntare Arena mu Murenge wa Rusororo mu Karere ka Gasabo. Ibiro by’Umukuru w’Igihugu byatangaje ko umwiherero uzamara iminsi ibiri.

Ubutumwa bwatambutse ku rubuga rwa X rukoreshwa n’Ibiro by’Umukuru w’Igihugu bugira buti: “Kagame yatangije umwiherero w’iminsi ibiri w’abagize Guverinoma n’abandi bayobozi bakuru, uribanda ku kugera ku ntego z’Igihugu hagamijwe guteza imbere imibereho n’ubukungu”.

Umwiherero ni kimwe mu bisubizo u Rwanda ruvoma mu mateka yarwo ya kera kuko amateka agaragaza ko Abatware ku nzego zitandukanye bahuriraga hamwe bakaganira ku bibazo byugarije rubanda n’igihugu, hagashakwa intsinzi n’inzira zanyurwamo ngo bikemuke.

Amafoto: Village Urugwiro

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27