Abatuye i Kigali batangiranye 2024 urufaya rw’ibishashi (Amatoto)

Abatuye i Kigali batangiranye 2024 urufaya rw’ibishashi (Amatoto)

Abatuye Umujyi wa Kigali bitabiriye ku bwinshi umuhango wo guturitsa ibishashi bishimira kwinjira mu mwaka mushya no kwihera ijisho uko isegonda rya mbere ry’umwaka wa 2024 rimeze.

Ibihumbi n’ibihumbi by’Abanyakigali byahuriye kuri Kigali Kigali Convention Centre abandi bateranira mu ngo, mu tubare n’ahandi, bakurikiranye ibibera ku bice byatoranyirijwe guturikirizwaho ibishashi.

Ibyishimo n’umunezero byagaragaraga ku maso y’abitabiriye, ndetse amajwi yumvikanaga mu bice bitandukanye by’Umujyi wa Kigali aho n’abari bakiri mu ngo bataramye bakurikiranye uwo muhango ubibutsa ko bakandagiye mu mwaka mushya.

Ibishashi byaturikirijwe no mu bindi bice byiyongera kuri Kigali Convention Centre, birimo kuri Mont Kigali no kuri Serena Hotel mu Karere ka Nyarugenge, ku Musozi wa Bumbogo Karere ka Gasabo ndetse no kuri Canal Olympia ku Irebero mu Karere ka Kicukiro.

Muri ayo masaha abaturage bakoreshaga telefoni bafata amafoto n’amashusho basangizaga ababakurikira ku mbuga nkoranyambaga, abandi bakigaragaza babyina, baririmba, bahoberana cyangwa bahuje urugwiro n’inshuti n’imiryango bakunda.

Ni umunezero Abanyarwanda basangiye n’abandi mu bice bitandukanye by’Isi, bishimira kwinjira mu mwaka mushya wa 2024 ari bazima kandi bafite amahoro n’umutekano.

Gusa hari n’abandi benshi batangiye umwaka mushya bari mu nzengero bishimira ko Imana yabarinze, banasabira ibice bitandukanye ku Isi bitangiriye umwaka mushya mu bihe by;intambara n’umutekano muke.  

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27