U Rwanda rwasimbuje abapolisi rwohereje muri Sudani y’Epfo

U Rwanda rwasimbuje abapolisi rwohereje muri Sudani y’Epfo

Ku wa Mbere tariki ya 20 Ugushyingo, Polisi y’u Rwanda yasimbuje itsinda ry’abapolisi RWAFPU-III ryari mu butumwa bw’Umuryango w’Abibumbye bwo kubungabunga amahoro muri Sudani y’Epfo (UNMISS).

Mu masaha y’igicamunsi ni bwo iri itsinda ryari rigeze ku Kibuga cy’Indege Mpuzamahanga cya Kigali i Kanombe.

Iryo tsinda rigizwe n’abapolisi 160 bari bamaze igihe kingana n’umwaka mu butumwa bw’amahoro muri iki gihugu, bakaba basimbuwe na bagenzi babo na bo bahagurutse mu gitondo berekeza mu Murwa Mukuru Juba, aho bagenzi babo basimbuye bakoreraga.

Commissioner of Police (CP) William Kayitare mu kubakira, yabahaye ikaze, anabashimira akazi gakomeye ko kubungabunga amahoro bakoze muri Sudani y’Epfo.

Yagize ati: “Tubahaye ikaze mu gihugu cyanyu mumaze umwaka wose mudakoreramo, tunabashimira uburyo mwakoze kinyamwuga inshingano zabajyanye.”

Yakomeje agira ati: “Gukora kinyamwuga ntibigarukira ku gucunga umutekano w’Igihugu muba murimo gusa ahubwo bigendana no guhesha ishema igihugu cy’u Rwanda ndetse na Polisi by’umwihariko, bityo rero biba bisaba ko byose mubikora hatagize igisiga ikindi.”

Uretse ibikorwa bijyanye no gucunga umutekano w’abaturage, iri tsinda ryakoze ibindi bikorwa bitandukanye bigamije kubaka igihugu no guteza imbere imibereho myiza y’abaturage birimo umuganda rusange wibanze ku isuku yo mu Mujyi wa Juba ndetse no mu nkengero zawo, kubakira inzu Polisi yo muri ako gace no kubagezaho ibikoresho birimo intebe n’ibindi.

RNP

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27