U Bufaransa bwagerageje misile izabufasha guhangana n’ibisasu bya kirimbuzi

U Bufaransa bwagerageje misile izabufasha guhangana n’ibisasu bya kirimbuzi

Minisiteri y’Ingabo y’u Bufaransa yatangaje ko icyo gihugu cyagerageje misile ndende ya M51.3, yazamuye icyizere n’ubushobozi bwo gukumira ibisasu bya kirimbuzi.

Ku Cyumweru, ni bwo Minisiteri y’Ingabo yavuze  ko iyi misile  yarasiwe mu Kigo cya Gisirikare kigeragerezwamo misile giherereye mu majyepfo y’uburengerazuba bw’u Bufaransa.

Bivugwa ko iyo misile yaguye kure y’inkengero iyo ari yo yose muri Atalantika y’AMajyaruguru, mu bilometero amagana.

Yavuze ko byari ngombwa ko iyi misile, itifitemo ingufu za nikeleyeri, igeragezwa kubera ko intambara zadutse mu bice bitandukanye by’Isi.

Misile ya M51.3 ije isimbura iyari isanzwe yo mu bwoko bwa M45 yifashishwaga guhera mu mwaka 1996, ishobora kuraswa mu ntera ndende ikagenda mu buryo bw’ibanga hatagize uyibona cyangwa ngo isakuze.

France 24 yatangaje ko iyi misile yakozwe n’Ikigo gikora ibijyanye n’ibyogajuru, Ariane Group, ku bufatanye n’Ikigo gifasha gukora indege za gisirikare (Blagnac) giherereye mu majyepfo ashyira uburengerazuba bw’u Bufaransa (Airbus), n’Ikigo cy’u Bufaransa gikora moteri z’indege (Safran) bikaba biteganyijwe ko iyi izatangira gukoreshwa mu 2025.

KAMALIZA AGNES

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27