Iburengerazuba: Urubyiruko rweretswe uburyo bwo kwiteza imbere

Iburengerazuba: Urubyiruko rweretswe uburyo bwo kwiteza imbere

Urubyiruko rugera ku 1000, ruturutse mu Turere twose tugize Intara y’Iburengerazuba rwateraniye mu Karere ka Karongi ku wa Kabiri tariki ya 14 Ugushyingo 2023 baganirijwe ku buryo bwabafasha kwiteza imbere mu mirimo itandukanye  buzwi nka  ‘Career Orientation Fair ‘, bashishikarizwa gukunda umurimo.

Minisitiri w’Urubyiruko Dr Utumatwishima Abdallah mu Kiganiro yabagejejeho yagarutse ku ngingo zitandukanye harimo no gushishikarira umurimo kuko ari wo soko y’iterambere.

Yagize ati: “Rubyiruko mwitinyuke, mukunde umurimo kuko ari wo soko y’iterambere”.

Mu kiganiro yagejeje kuri uru rubyiruko, Minisitiri w’Urubyiruko yashishikarije urubyiruko gukunda umurimo, kuba abakorerabushake bitabira ibikorwa bitandukanye byubaka Igihugu, kwihugura mu bumenyi butandukanye no kumenya indimi kugira ngo bashobore guhatana n’abandi.

Urubyiruko rwanasobanuriwe  n’indangagaciro zikwiye kubaranga ku murimo.

Ba rwiyemezamirimo bagaragarije urubyiruko uburyo batinyutse bagatangirira kuri bike, buhoro buhoro bakagenda batera imbere, na bo babashishikariza kwitinyuka.

Mu butumwa bwatanzwe n’Abayobozi ndetse na ba rwiyemezamirimo, basabye urubyiruko kwirinda guta ishuri  kuko ari ho bakura ubumemyi bazifashisha mu gushaka no gukora imirimo ibateza imbere, kwirinda ibiyobyabwenge, kwigirira icyizere no kugira intego ku byo bifuza kugeraho.

Mbere yo guhabwa ibiganiro, urubyiruko rwasuye ibikorwa bitandukanye bya ba rwiyemezamirimo.

NYIRANEZA JUDITH

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27