Umutoza Petros Koukouras yasezeye Kiyovu Sports nyuma y’amezi atanu

Umutoza Petros Koukouras yasezeye Kiyovu Sports nyuma y’amezi atanu

Umugereki Petros Koukouras wari umutoza mukuru  wa Kiyovu Sports yamenyesheje ubuyobozi bw’ikipe ko atakibashije gukomezanya nayo nyuma yo kumara amezi abiri adahembwa.

Umwe mu bayobozi ba Kiyovu Sports yabwiye Imvaho Nshya ko kuri uyu wa Kabiri bagomba gutandukana na Petros Koukouras anemeza ko batangiye gushaka undi mutoza mushya uzamusimbura.

Tariki 13 Kamena 2023 ni bwo Koukouras yagizwe Umutoza wa Kiyovu Sports asimbuye. Alain-André Landeut wayitoje mu mwaka w’imikino 2022-2023, kugeza ubu Petros yari amaze kuyitoza imikino 10 ya Shampiyona aho iri ku mwanya wa gatanu n’amanota 15, irushwa amanota umunani na Musanze FC ya mbere ku rutonde rw’agateganyo rwa Shampiyona.

Mu kwezi k’Ukwakira uyu mwaka, Petros yabwiye itangazamakuru ko batorohewe n’ubuzima babayemo nyuma y’uko bamwe mu bakinnyi basohowe mu nzu kubera kubura amafaranga yo kwishyura ubukode.

Nyuma y’imikino mpuzamahanga, Shampiyona izasubukurwa Kiyovu Sports yakira APR FC ku wa 25 Ugushyingo 2023, kuri Kigali Pele Stadium.

SHEMA IVAN

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27