U Rwanda rwatakaje umwanya umwe ku rutonde ngarukakwezi rwa FIFA

U Rwanda rwatakaje umwanya umwe ku rutonde ngarukakwezi rwa FIFA

Ikipe y’Igihugu y’u Rwanda “Amavubi”, yatakaje umwanya umwe igera ku mwanya wa 140 ivuye 139 ku rutonde rw’Ukwakira rw’Ishyirahamwe ry’Umupira w’Amaguru ku Isi (FIFA) rwasohotse kuri uyu wa Kane, tariki ya 26 Ukwakira 2023.

Amavubi aheruka kunganya na Senegal ibitego kimwe kuri kimwe mu mukino w’Umunsi wa Gatandatu wo mu Itsinda L ryo gushaka itike y’Igikombe cya Afurika cya 2023 kizabera muri Côte d’Ivoire wabereye kuri stade Huye tariki 10 nzeri 2023.

Kunganya uyu mukino wabereye i Huye watumye ikipe y’Igihugu itakaza umwanya umwe igumana amanota 1087.03 ku rutonde rwa FIFA.

Inyuma y’u Rwanda, hari u Burundi bufite amanota 1080.43 nyuma y’uko buheruka gutsindwa na Cameroon ibitego 3-o.

Kuri uru rutonde rw’Ukwakira, Argentine yagumye ku mwanya wa mbere ku Isi nyuma yo gutsinda Peru, mu gihe nta gihugu cyasohotse mu myanya 10 ya mbere nk’uko byari bimeze mu kwezi gushize.

U Bufaransa bwagumye ku mwanya wa kabiri, Brésil iguma ku wa gatatu naho u Bwongereza bufata umwanya wa kane mu gihe u Bubiligi buri ku mwanya wa gatanu.

Ku mwanya wa gatandatu hari Portugal yasimbuye Croatia yamanutseho imyanya ine yafashe umwanya wa 10. 

Ibihugu 10 bya mbere muri Afurika ni Maroc (13), Sénégal (20), Tunisia (32), Algeria (33), Misiri (35), Nigeria (40), Cameroun (43), Mali (47), Côte d’Ivoire (52) na Burkina Faso ya 56.

Mu bihugu bituranye n’u Rwanda, Repubulika Iharanira Demokarasi ya Congo ni iya 65, Uganda (90), Kenya (110), Tanzania (121), u Burundi (142).

Urutonde rutaha ruzasohoka tariki 30 Ugushyingo 2023.

SHEMA IVAN

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27