Ikipe ya Rayon Sports yegukanye igikombe cy’Amahoro 2023

Ikipe ya Rayon Sports yegukanye igikombe cy’Amahoro 2023

Rayon Sports 1-0 APR FC

Ikipe ya Rayon Sports yegukanye igikombe cy’Amahoro 2023 itsinze ku mukino wa nyuma ikipe ya APR FC igitego 1-0, umukino wabereye kuri Sitade Mpuzamahanga ya Huye, taliki 03 Kamena 2023. Igitego cya Rayon Sports cyatsinzwe na Ngendahimana Eric ku munota wa 40.

Iyi kipe ya Rayon Sports yaherukaga kwegukana iki gikombe cy’Amahoro muri 2016  nabwo ikaba yari yatsinze APR FC ku mukino wa nyuma  igitego 1-0 cyatsinzwe na Ismaila Diarra.

Ikipe ya Rayon Sports nyuma yo kwitwara neza ikegukana iki gikombe cy’Amahoro  yahawe miliyoni 10 z’amafaranga y’u Rwanda ndetse haniyongeraho ishimwe rya miliyoni 12 yagenewe n’umuterankunga mukuru w’iyi  kipe “SKOL”.

Ikipe ya APR FC iheruka iki gikombe cy’Amahoro muri 2017 yahawe miliyoni 5 naho Mukura yegukanye umwanya wa 3 itsinze Kiyovu igitego 1-0 ihabwa miliyoni 3.

Gutwara igikombe cy’Amahoro byahesheje ikipe ya Rayon Sports kuzaserukira u Rwanda mu mikino y’Afurika y’amakipe yitwaye neza iwayo  “TotalEnergies CAF Confederation Cup 2023–2024”. Iyi kipe ya Rayon Sports yaherukaga kwitabira imikino y’Afurika muri 2019 aho yaviriyemo mu ijonjora  rya mbere “Round  1”  gusa muri 2018, ikipe ya Rayon Sports yitwaye neza igera muri ¼ muri “TotalEnergies CAF Confederation Cup 2018”.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27