Sitting Volleyball: Gasabo na Bugesera zegukanye igikombe cya shampiyona

Taliki 06 na 07 Gicurasi 2023 mu Karere ka Gisagara habereye imikino yo gusoza shampiyona ya Sitting Volleyball “Sitting Volleyball Championship 2022-2023” aho ikipe ya Gasabo mu bagabo na Bugesera mu bagore zegukanye igikombe.

Iyi mikino ya nyuma yabereye mu nzu y’imikino i Gisagara, mu bagabo ikipe ya Gasabo yegukanye igikombe itsinze ku mukino wa nyuma ikipe ya Gisagara amaseti 3-0 (26-24, 25-19 na 25-16).

Mu guhatanira umwanya wa 3, ikipe ya Musanze yatsinze Rusizi amaseti 2-0 (25-19 na 25-22).

Ikipe ya Gisagara ni yo yari  yegukanye igikombe giheruka.

Mu bagore, ikipe ya Bugesera yisubije igikombe cya shampiyona  itsinze Nyarugenge amaseti 3-0 (25-14, 25-22 na 25-22).

Ikipe ya Gicumbi yegukanye umwanya wa Gatatu itsinze Musanze amaseti 2-1(25-21, 17-25 na 10-5).