APR FC yatsinzwe na Police FC, Kiyovu ifata umwanya wa mbere

APR FC yatsinzwe na Police FC, Kiyovu ifata umwanya wa mbere

Taliki 22-04-2023

Kiyovu 2-1 Gorilla FC

Marines FC 2-1 Rutsiro FC

Mukura 3-2 Espoir FC

Police FC 2-1 APR FC

Rwamagana City 1-2 Rayon Sports

Sunrise FC  3-1 Etincelles FC

 Taliki 23-04-2023

Bugesera FC 1-1 Gasogi United

Musanze FC 0-0 AS Kigali

Taliki 22 na 23 Mata 2023 hakinwe imikino y’umunsi wa 24 ya shampiyona y’icyiciro cya mbere mu mupira w’amaguru mu bagabo, ikipe ya APR FC yari iyoboye urutonde yatsinzwe na Police FC , ikipe ya Kiyovu ifata umwanya wa mbere ku rutonde rusange.

Iyi mikino y’umunsi wa 24  ikaba yari ikirarane kuko yagombaga kuba muri Werurwe 2023 ariko irasubikwa kuko  Amavubi yiteguraga  imikino yo gushaka itike ya CAN 2023.

Muri iyi mikino yabaye mu mpera z’icyumweru gishize, ikipe ya Police FC yatsinze APR FC ibitego 2-1 naho ikipe ya Kiyovu itsinda Gorilla FC ibitego 2-1.

Abakinnyi ba Police FC bishimira intsinzi
Kiyovu yitwaye neza itsinda Gorilla FC

Aya makipe yombi yagiye gukina iyi mikino anganya amanota 53, nyuma yo gutsindwa kwa APR FC, Kiyovu yahise ifata umwanya wa mbere  ku rutonde rw’agateganyo mu gihe hasigaye imikino 4 ngo shampiyona isozwe.

Undi mukino wabaye, ikipe ya Rayon Sports yatsinze Rwamagana City FC ibitego 2-1. Uyu mukino wakinwe iminsi ibiri kuko  taliki 22 Mata 2023 wahagaritswe n’imvura nyinshi yaguye i Ngoma ku munota wa 28 ubwo amakipe yanganyaga igitego 1-1. Umukino wakomeje   taliki 23 Mata 2023 urangira Rayon Sports itsinze ibitego 2-1.

Iyi kipe ya Rayon Sports ikaba yegereye aya makipe ari imbere, kuko irarushwa na Kiyovu amanota ane, ikarushwa na APR FC inota rimwe.

Mu yindi mikino yabaye, Marines FC  yatsinze Rutsiro FC ibitego 2-1, Mukura  itsinda Espoir FC ibitego 3-2, Sunrise FC  itsinda  Etincelles FC ibitego 3-1, Bugesera FC  inganya na Gasogi United igitego 1-1 naho  Musanze FC inganya na AS Kigali 0-0.

Kuri ubu ikipe ya Kiyovu iyoboye urutonde n’amanota 56 ikurikiwe na APR FC n’amanota 53, Rayon Sports (52), Police FC (45), AS Kigali (43), Gasogi United (39), Mukura (37), Etincelles FC (37), Gorilla FC (35), Musanze FC (34), Bugesera FC (29), Sunrise FC (28), Rwamagana City FC (26), Marines FC (25), Rutsiro FC (21) na Espoir FC (17).

Imikino y’umunsi wa 27 biteganyijwe ko izaba taliki 29 na 30 Mata 2023.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27