Cricket : Ikipe y’u Rwanda yasoje irushanwa “Victoria Series 2023” itsinda Tanzania

Cricket : Ikipe y’u Rwanda yasoje irushanwa “Victoria Series 2023” itsinda Tanzania

Rwanda 53-46 Tanzania

Taliki 23-04-2023

Uganda-Tanzania (12h30)

Ku wa Gatandatu, taliki 22 Mata 2023 ni bwo habaye  imikino ya nyuma y’amajonjora mu irushanwa mpuzamahanga “Victoria Series 2023” ririmo kubera i Kampala muri Uganda ku kibuga cya “Lugogo Cricket Oval” kuva taliki 18 Werurwe 2023.

Kubera ikirere, umukino wagomba guhuza ikipe ya Uganda na Kenya nta bwo wabaye. Buri kipe yahawe inota 1.

Umukino w’u Rwanda na Tanzania na wo hemejwe ko hakinwa udupira 36 (6 Overs) aho kuba 120 (20 Overs).

Muri uyu mukino, ikipe y’u Rwanda ni yo yatangiye ikubita agapira ishaka amanota “Batting” maze mu dupira 36 (6 Overs) ikora amanota 53 mu gihe abakinnyi 4 ari bo basohowe mu kibuga (4 Wickets).

Mu gice cya  kabiri, ikipe ya Tanzania  yasabwaga amanota 54 yatangiye gukubita agapira ishaka amanota “Batting” maze mu dupira 36 (6 Overs) ikora amanota 46  mu gihe abakinnyi 4 ari bo basohowe mu kibuga (4 Wickets).

Umukinnyi w’u Rwanda, Ishimwe Henriette  ni we witwaye neza muri uyu mukino aho yakoze amanota 22 mu dupira 12 ndetse  anasohora abakinnyi 2 ba Tanzania mu kibuga (2 Wickets).

Ikipe y’u Rwanda ikaba yakoze amateka yo gutsinda amakipe ya mbere muri aka Karere. Iyi kipe y’u Rwanda uretse gutsinda Tanzania yari yanatsinze Kenya.

Nyuma y’imikino y’amajonjora, ikipe ya Uganda ni yo yasoje iyoboye urutonde n’amanota 7, Tanzania ku mwanya wa kabiri n’amanota 4 inganya na UAE iri ku mwanya wa 3 n’u Rwanda ruri ku mwanya wa 4 naho Kenya isoreza ku mwanya wa 5 wa nyuma n’inota rimwe.

Uganda na Tanzania zirahatanira igikombe

Ikipe ya Uganda yabaye iya mbere na Tanzania  yabaye iya kabiri kuri  iki Cyumweru taliki 23 Mata 2023 zirakina umukino wo guhatanira igikombe.

Ubwo iri rushanwa “Victoria Series” ryaherukaga kuba muri 2019 ryari ryitabiriwe n’ibihugu 3 ari byo Kenya, Zimbabwe na Uganda. Ikipe ya Zimbabwe ni yo yegukanye igikombe icyo gihe itsinze Uganda.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27