Tennis: Abakinnyi batatu bagiye guserukira u Rwanda mu mikino y’Afurika mu bato
-
- Mata 20, 2023
- Hashize imyaka 3
Kuva taliki 25 kugeza 29 Mata 2023 i Algiers muri Algeria hazabera irushanwa ry’Afurika mu batarengeje imyaka 16 “ ITF/CAT African Junior Championship for 16 & Under 2023”.
Abakinnyi batatu bazaserukira u Rwanda muri iyi mikino ni abahungu babiri, Umuhoza King Onex na Murinzi Gedeo ndetse n’umukobwa umwe, Ishimwe Bimenyimana Melissa.
Biteganyijwe ko iyi kipe izahaguruka mu Rwanda mu rukerera rwo ku Cyumweru taliki 23 Mata 2023 aho izanyura Istanbul muri Turukia nyuma yerekeze i Algiers muri Algeria.
Aba bakinnyi bakaba barabonye itike yo kwitabira iyi mikino y’Afurika nyuma yo kwitwara neza mu mikino y’Akarere k’Afurika y’Iburasirazuba «ITF/CAT East African Junior Championships 2023 » yabereye i Bujumbura mu gihugu cy’u Burundi kuva taliki 07 kugeza 15 Mutarama 2023.
-
- Mata 20, 2023
- Hashize imyaka 3
