Cricket: Challengers CC yatangiye neza irushanwa “Dafabet RCA T10 Men’s Tournament 2023”

Cricket: Challengers CC yatangiye neza irushanwa “Dafabet RCA T10 Men’s Tournament 2023”

Ishyirahamwe ry’umukino wa Cricket mu Rwanda “RCA” ku bufatanye na Dafabet hateguwe irushanwa  ry’amakipe y’icyiciro cya mbere mu  bagabo “Dafabet RCA T10 Men’s Tournament 2023”.

Iri rushanwa ryatangiye taliki 18 Werurwe rikazasozwa 15 Mata 2023  ryitabiriwe n’amakipe 6 ari yo  Challengers CC, Right Guards CC,  Zonic Tigers CC,  Kigali CC, Telugu Royals CC na IPRC Kigali CC. Aya makipe azakina hagati yayo hanyuma ikipe ya mbere n’iya kabiri zizahatanire igikombe. Imikino yose igomba kubera kuri Sitade Mpuzamahanga ya Gahanga.

Uko imikino yagenze

Ku munsi wa mbere taliki 18 Werurwe 2023 habaye imikino 3, ikipe ya Challengers CC yitwaye neza itsinda Right Guards CC,  IPRC Kigali CC itsinda  Zonic Tigers CC naho ikipe ya Telugu Royals CC itsinda Kigali CC.

Taliki 19 Werurwe 2023 habaye imikino y’umunsi wa kabiri, ikipe ya Zonic Tigers CC yatsinze Kigali CC, Challengers CC itsinda IPRC Kigali CC naho ikipe ya Right Guards CC itsinda Telugu Royals CC.

Nyuma y’iyi mikino, ikipe ya Challengers CC ni yo iyoboye urutonde n’amanota 4 ikurikiwe na Right Guards CC, IPRC Kigali CC, Zonic Tigers CC, Telugu Royals CC zifite amanota 2 naho ikipe ya Kigali CC ikaba iri ku mwanya wa nyuma wa 6 aho nta nota na rimwe ifite.

Imikino izakomeza mu mpera z’iki Cyumweru, taliki 26 Werurwe 2023 aho ikipe ya Kigali CC izakina na IPRC Kigali CC (9h00), Zonic Tigers CC ikine na Right Guards CC (11h30) naho ikipe ya Telugu Royals CC ikine na Challengers CC (13h45).

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27