Buteera Andrew yahagaritse gukina umupira atangira ubutoza

Buteera Andrew yahagaritse gukina umupira atangira ubutoza
Buteera Andrew wahagaritse gukina umupira

Umukinnyi Buteera Andrew wakiniye ikipe ya APR FC ndetse n’ikipe y’igihugu  y’u Rwanda “Amavubi” aratangaza ko yamaze guhagarika gukina umupira agatangira ibyo gutoza no kuzamura impano z’abakiri bato.

Buteera yatangarije Imvaho Nshya ko ubu yatangiye gahunda yo kwihugura mu bijyanye no gutoza cyane cyane ahereye mu bakiri bato kuko yifuza kubafasha kugira ngo bazamure impano zabo.

Kuri ubu, Buteera ari muri Uganda  ariko arateganya ko ibikorwa byo gutoza azabikorera mu Rwanda.

Asobanura ko impamvu yahagaritse gukina nubwo hari ababonaga ko agishoboye ari ukubera imvune yagiye agira mu minsi yashize bigatuma amara igihe kinini adakina.

Mu butumwa bwe, Buteera wakiniye ikipe ya APR FC imyaka 9 ashimira abamubaye hafi bose barimo Umuyobozi w’icyubahiro w’iyi kipe, Gen Kabarebe James, abatoza bamutoje n’abandi bose muri rusange bamufashije mu rugendo rwe rwo gukina umupira w’amaguru.

Buteera Andrew ufite imyaka 28 y’amavuko yavukiye muri Uganda ari na ho yatangiriye gukina umupira w’amaguru  aho yazamukiye mu  ikipe ya Proline FC. Muri 2011 yahamagawe mu ikipe y’u Rwanda y’abatarengeje imyaka 17 aho yakinnye imikino y’Afurika “CAN U-17” yabereye mu Rwanda ndetse n’imikino y’igikombe cy’Isi yabereye muri Mexique.

Muri 2012, Buteera Andrew yerekeje muri APR FC ayikinira imyaka isaga 9. Muri Nyakanga 2021 yatijwe muri AS Kigali ari yo yaherukagamo.

Buteera Andrew yakiniye ikipe y’igihugu “Amavubi”  kuva muri 2011
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27