Rayon Sports yatsinze APR FC mu mukino w’umunsi wa 19

Taliki 10-02-2023

Gasogi United 2-2 Rutsiro FC

Rwamagana City 1-2 Kiyovu

Taliki 11-02-2023

Etincelles FC 2-0 Espoir FC

Gorilla FC 0-1 AS Kigali

Police FC 2-0 Mukura

Sunrise FC 1-2 Marines FC

Taliki 12-02-2023

Bugesera FC 1-1 Musanze FC

APR FC 0- 1 Rayon Sports

Ikipe ya Rayon Sports yitwaye neza itsinda APR FC igitego 1-0 mu mukino w’umunsi wa 19 bituma igaruka mu rugamba rwo guhatanira igikombe.

Uyu mukino wabereye kuri Sitade Mpuzamahanga ya Huye taliki 12 Gashyantare 2023, ikipe ya Rayon Sports yatsinze APR FC igitego 1-0 cyatsinzwe na Ngendahimana Eric ku munota wa 33.

Nyuma y’uyu mukino, ikipe ya Rayon Sports yahise ikuramo ikinyuranyo cy’amanota 3 yarushwaga na APR FC iyoboye urutonde n’amanota 37 mu gihe Rayon Sports ifite amanota 36.

Indi mikino yabaye, ikipe ya Gasogi United yanganyije na Rutsiro FC ibitego 2-2, Kiyovu itsinda Rwamagana City FC ibitego 2-1,  Etincelles FC yatsinze Espoir FC ibitego 2-0, AS Kigali yatsinze Gorilla FC igitego 1-0.

Ikipe ya Police FC yatsinze Mukura ibitego 2-0, Marines FC yatsinze Sunrise FC ibitego 2-0 naho ikipe ya Bugesera FC inganya na Musanze FC igitego 1-1.

Nyuma y’imikino y’umunsi wa 19, ikipe ya APR FC ni yo  ikomeje kuyobora urutonde n’amanota 37 ikurikiwe na AS Kigali, Gasogi United na Rayon Sports zifite amanota 36. Ikipe ya Kiyovu iri ku mwanya wa 5 n’amanota 35, Etincelles FC (33), Police FC (30),Mukura (25), Musanze FC (24), Sunrise FC (23), Bugesera FC (22), Gorilla FC (22), Rutsiro FC (18), Rwamagana City FC (16), Marines FC (13) na Espoir FC (11).

Imikino y’umunsi wa  20 biteganyijwe ko izaba taliki 16, 17, 18 na 19 Gashyantare 2023.