Cricket: Nigeria ikomeje kwitwara neza mu mikino yo gushaka itike y’igikombe cy’Isi

Cameroun 95-98 Mozambique

Eswatini 103-221 Nigeria

Ghana 121-122 Tanzania

Gambia 42- 43 Nigeria

Taliki 05-12-2022

Mozambique-Tanzania (Gahanga-09h30)

Eswatini-Sierra Leone (IPRC Kigali-09h30)

Cameroun-Nigeria (Gahanga-13h45)

Ghana-Sierra Leone (IPRC Kigali-13h45)

Ikipe ya Nigeria ikomeje kwitwara neza mu mikino  yo gushaka itike y’igikombe cy’Isi 2024 mu mukino wa Cricket mu bagabo  “ICC Men’s T20 World Cup 2024” ku rwego rw’Afurika  mu itsinda B “ICC Men’s T20 World Cup Africa Sub-Regional Qualifier  Group B” aho imaze gutsinda imikino 4 yikurikiranya.

Iri rushanwa ririmo kubera mu Rwanda kuva taliki 01 Ukuboza 2022, ku munsi waryo wa gatatu taliki 04 Ukuboza 2022, ikipe ya Nigeria yitwaye neza itsinda imikino ibiri  yuzuza imikino 4 idatsindwa.

Iyi kipe yatsinze Eswatini nyuma itsinda ikipe  ya Gambia. Iyi mikino yombi yabereye muri IPRC Kigali.

Mu yindi mikino yabaye, ikipe ya Mozambique yatsinze Cameroun, umukino wabereye kuri Sitade Mpuzamahanga ya Gahanga.

Ikipe ya Tanzania na yo yitwaye neza itsinda ikipe ya Ghana, umukino  na wo wabereye kuri  Sitade Mpuzamahanga ya Gahanga.

Nyuma y’imikino y’umunsi wa gatatu, ikipe ya Nigeria iyoboye urutonde by’agateganyo n’amanota 8 ikurikiwe na  Mozambique ifite amanota 6, ikipe ya Tanzania iri ku mwanya wa gatatu n’amanota 4. Ku mwanya wa 4 hari  Ghana n’amanota 2 inganya na  Sierra Leone iri ku mwanya wa 5 na  Eswatini  iri ku mwanya wa 6. Ikipe ya Cameroun iri ku mwanya wa 7  naho Gambia iri ku mwanya wa 8 aho zose nta nota na rimwe zifite.

Gahunda y’imikino y’umunsi wa kane

Kuri uyu wa Mbere taliki 05 Ukuboza 2022, harakinwa imikino y’umunsi wa kane aho ikipe ya Mozambique ikina na Tanzania i Gahanga (09h30), Eswatini ikine na Sierra Leone muri IPRC Kigali (09h30). Ikipe ya Cameroun irakina na Nigeria i Gahanga (13h45) naho Ghana ikine na Sierra Leone muri IPRC Kigali (13h45).