Cricket: IPRC Kigali CC yegukanye igikombe mu cyiciro cya kabiri

Cricket: IPRC Kigali CC yegukanye igikombe mu cyiciro cya kabiri

Ikipe ya IPRC Kigali CC yegukanye igikombe cya shampiyona y’icyiciro cya kabiri mu bagabo “RCA T20 Cup  League Division 2  2022” nyuma yo gutsinda ku mukino wa nyuma ikipe ya Right Guards CC. Uyu mukino wabereye muri IPRC Kigali ku Cyumweru taliki 13 Ugushyingo 2022.

Iyi mikino yatangiye taliki 01 Ukwakira 2022 aho yakinirwaga muri IPRC Kigali ikaba yari  yitabiriwe n’amakipe 6.

Kugira ngo hamenyekane amakipe agomba guhatanira igikombe, taliki 12 Ugushyingo 2022 ni bwo habaye umukino  usoza mu majonjora aho ikipe ya IPRC Kigali CC yatsinze Indorwa CC maze bituma isoza iyoboye urutonde n’amanota 8 inganya na Right Guards CC.

Aya makipe yombi, taliki 13 Ugushyingo 2022 yakinnye umukino wa nyuma. Muri uyu mukino wabereye muri IPRC Kigali hakinwe udupira 96 (16 Overs) aho kuba 120 (20 Overs) kubera  ikirere.

 Ikipe ya Right Guards CC ni yo yabanje gukubita agapira ishaka amanota “Batting” maze mu dupira 96 (16 Overs) ikora amanota 115  mu gihe abakinnyi 6 basohowe mu kibuga (6 Wickets).

Ikipe ya IPRC Kigali CC yasabwaga amanota 116 ngo yegukane intsinzi yatangiye gukubita agapira ishaka amanota “Batting” maze mu dupira 94 (15.4 Overs)  ikora amanota 119 mu gihe abakinnyi 5 ari bo basohowe mu kibuga (5 Wickets).

Iyi kipe ya IPRC Kigali CC yahise yegukana igikombe akaba ari ubugira kabiri kuko na shampiyona iheruka ari yo yari yegukane iki gikombe  nabwo itsinze ku mukino wa  nyuma ikipe ya  Right Guards CC  amanota 153 ku 134.

Uko amakipe yakurikiranye

Ikipe ya IPRC Kigali CC yasoreje ku mwanya wa mbere ikurikirwa na Right Guards CC , Indorwa CC (3), Sorwathe CC (4), Tamil Lions (5) na Vikings CC (6).

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27