Ikipe y’u Rwanda yatangiye kwitegura imikino ibiri ya gicuti izakina na Sudani

Ikipe y’u Rwanda yatangiye kwitegura imikino ibiri ya gicuti izakina na Sudani

Taliki 17-11-2022

Rwanda-Sudani (Nyamirambo)

Taliki 19-11-2022

Sudani-Rwanda (Nyamirambo)

Kuri uyu wa Mbere taliki  14 Ugushyingo 2022, abakinnyi b’ikipe y’u Rwanda “Amavubi” batangiye imyitozo bitegura imikino  ibiri ya gicuti iyi kipe  izakina na Sudani.

Biteganyijwe ko umukino wa mbere uzaba taliki 17 Ugushyingo 2022 naho umukino wa kabiri ube taliki 19 Ugushyingo 2022. Iyi mikino yombi izabera kuri Sitade ya Kigali i Nyamirambo.

Ikipe y’u Rwanda “Amavubi” igiye gukina iyi mikino ya gicuti mu rwego rwo kwitegura imikino y’umunsi wa 3 n’uwa 4 izaba muri Werurwe 2023  mu gushaka itike ya CAN 2023 izabera muri Cote d’Ivoire muri 2024.

Muri iyi mikino yo gushaka itike,  ikipe y’u Rwanda iri mu itsinda L hamwe na Mozambique, Senegal na Benin. Ikipe y’u Rwanda mu mikino ibiri iheruka mu itsinda L yanganyije na Mozambique igitego 1-1 itsindwa na Senegal igitego 1-0.

Muri Werurwe 2023, mu mikino y’umunsi wa 3 n’uwa 4, ikipe y’u Rwanda izakina na Benin, umukino ubanza ubere Cotonou naho uwo kwishyura ubere mu Rwanda.

Ku ruhande rw’ikipe ya Sudani na yo bizayifasha kwitegura imikino yo gushaka itike aho  iri mu itsinda I hamwe na Mauritania, RDC na Gabon. Mu mikino ibiri iheruka yatsinzwe na Mauritania ibitego 3-0 nyuma itsinda RDC ibitego 2-1. Muri Werurwe 2023, Sudani izakina na Gabon umukino ubanza n’uwo kwishyura.

Mu mikino ya gicuti ikipe y’u Rwanda iheruka gukina muri Nzeri 2022 yanganyije na Equatorial Guinea 0-0 nyuma itsindwa n’ikipe ya  St Eloi Lupopo FC yo muri RDC ibitego 3-1, iyi mikino ikaba yari yabereye muri Maroc.

Abakinnyi b’Amavubi bahamagawe

Umutoza  Carlos Alos Ferrer yahamagaye abakinnyi 25 bagomba gukina iyi mikino ibiri ya gicuti na Sudani.

Mu izamu:  Ishimwe Pierre (APR FC), Ntwari Fiacre (AS Kigali) na Cuzuzo Aime Gaël (Gasogi United FC).

Myugariro: Manishimwe Emmanuel (FAR Rabat-Morocco), Manzi Thierry, Mutsinzi Ange Jimmy (Trofense-Portugal), Ombolenga Fitina (APR FC), Niyomugabo Jean Claude (APR FC), Nsabimana Aimable (Kiyovu), Niyigena Clement (APR FC) na  Serumogo Ally (Kiyovu).

Hagati: Raphael York (Eskilstuna-Sweden), Bizimana Djihad (Deinze, Belgium), Rubanguka Steve (Zimbru Chisinau, Moldova), Ishimwe Gilbert (Orebro Syrianska, Sweden), Nshuti Dominique Savio (Police FC), Muhire Kevin (Al-Yarmouk, Kuwait), Niyonzima Ally (Bumamuru, Burundi) na  Sahabo Hakeem (Lille, France).

Rutahizamu: Muhozi Fred (Kiyovu), Habimana Glen (Victoria Rosport, Luxembourg), Tuyisenge Arsene (Rayon Sports), Hakizimana Muhadjiri (Al-Kholood, Saudi Arabia), Gerard Gohou (Aktobe, Kazakhstan) na Mugenzi Bienvenue (Kiyovu Sports).

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27