Handball: Abitabiriye imikino y’Afurika bifatanyije n’abatuye i Gikondo mu muganda rusange

Handball: Abitabiriye imikino y’Afurika bifatanyije n’abatuye i Gikondo mu muganda rusange

Ubusanzwe ku wa Gatandatu wa nyuma  w’ukwezi ni umunsi wahariwe igikorwa cy’umuganda rusange aho abaturage mu byiciro bitandukanye bifatanya bagakora ibikorwa binyuranye birimo isuku, gusibura imirwanyasuri  n’ibindi.

Ku wa Gatandatu taliki 27 Kanama 2022, abitabiriye imikino y’Afurika mu batarengeje imyaka 20 mu mukino wa Handball yabeye mu Rwanda kuva taliki 20 Kanama 2022 “U-20 African Men’s Handball Championship Rwanda 2022” bifatanyije n’abaturage bo mu Murenge wa Gikondo, Akagari ka Kagunga, Umudugudu wa Rebero mu gikorwa cy’umuganda rusange ahakozwe isuku ndetse no gusibura imirwanyasuri.

Muri iki gikorwa hari abari bahagarariye amwe mu makipe yitabiriye iyi mikino y’Afurika barimo u Rwanda, Tunisia, Congo Brazzaville na Angola.

Hari kandi  abayobozi b’amashyirahamwe y’umukino wa Handball muri Afurika barimo Perezida w’ishyirahamwe ry’umukino wa Handball mu Rwanda “FERWAHAND”, Twahirwa Alfred.

Perezida wa FERWAHAND, Twahirwa Alfred

Mu bandi bayobozi bari bitabiriye iki gikorwa  hari Umuyobozi Nshingwabikorwa w’Akarere ka  Kicukiro, Umutesi Solange, Umuyobozi w’Umujyi wa Kigali wungirije Ushinzwe Imiturire n’Ibikorwaremezo,  Dr Mpabwanamaguru Merard n’abandi batandukanye  bo mu Murenge wa Gikondo.

Umuyobozi Nshingwabikorwa w’Akarere ka  Kicukiro, Umutesi Solange

Dr Mpabwanamaguru mu butumwa yageneye abaturage nyuma y’umuganda rusange harimo kubibutsa akamaro k’isuku na gahunda nziza za Leta zitandukanye zigamije imibereho myiza n’iterambere ry’abatugare nk’ubwisungane mu kwivuza n’ibindi.

Umuyobozi w’Umujyi wa Kigali wungirije Ushinzwe Imiturire n’Ibikorwaremezo,  Dr Mpabwanamaguru Merard

Ubuyobozi bwa FERWAHAND bwemereye umusanzu w’ubwisungane mu kwivuza abaturage  200 batuye mu Murenge wa Gikondo.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27