U Rwanda rwaganiriye n’Abadipolomate ku ngamba zo guca inzoga zitujuje ubuziranenge

U Rwanda rwaganiriye n’Abadipolomate ku ngamba zo guca inzoga zitujuje ubuziranenge

Minisitiri w’Ububanyi n’Amahanga n’Ubutwererane, Amb. Olivier Nduhungirehe, ari kumwe na Minisitiri w’Ubuzima, Dr. Sabin Nsanzimana na Minisitiri w’Ubucuruzi n’Inganda, Antoine Kajangwe, bagiranye ibiganiro n’abahagarariye ibihugu n’imiryango mpuzamahanga ku ngamba Guverinoma y’u Rwanda yafashe mu kurwanya inzoga zitujuje ubuziranenge.

Muri ibyo biganiro byabaye ku wa 21 Kanama 2026, aba bayobozi basobanuye ingaruka ziterwa n’izi nzoga n’ingamba zikomeje gufatwa mu kurengera ubuzima bw’abaturage.

Minisiteri y’Ububanyi n’Amahanga yavuze ko iyi nama yahaye u Rwanda umwanya wo gusangiza abafatanyabikorwa mpuzamahanga uko rubona iki kibazo, ndetse no gusobanura imbaraga ziri gushyirwa mu gukemura ingaruka ziterwa n’inzoga zitemewe.

Guverinoma y’u Rwanda yagaragaje ko igamije kurinda ubuzima rusange, gukomeza ubudahangarwa bw’umuryango nyarwanda no gukorana n’abafatanyabikorwa mu gushakira hamwe ibisubizo birambye birinda abaturage.

Mu rwego rwo guhangana n’ikibazo cy’inzoga zitujuje ubuziranenge, Ikigo cy’Igihugu gishinzwe Ibiribwa n’Imiti (Rwanda FDA), kimaze gufunga inganda zirenga 200 zikekwaho gukora bene izi nzoga.

Kugeza ubu, abantu barenga 100 bamaze gutabwa muri yombi mu bikorwa by’iperereza ndetse dosiye zirenga 97 zamaze koherezwa mu bugenzacyaha.

Abadipolomate b’abanyamahanga bakorera mu Rwanda bitabiriye ibi biganiro
Minisitiri w’Ububanyi n’Amahanga n’Ubutwererane, Amb. Olivier Nduhungirehe aganira n’abahagarariye ibihugu n’imiryango mpuzamahanga mu Rwanda
Abadipolomate bahawe umwanya wo kubaza ku ngamba u Rwanda rwafashe zo guca inzoga zitujuje ubuziranenge
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27