Senateri Lindsey Graham, inshuti y’u Rwanda, yitabye Imana 

Senateri Lindsey Graham, inshuti y’u Rwanda, yitabye Imana 

Senateri Lindsey Graham, Umurepubulikani uhagarariye Leta ya Calorina mu Nteko Ishinga Amategeko ya Leta Zunze Ubumwe za Amerika, Umutwe wa Sena, yitabye Imana ku myaka 71 azize uburwayi bwamufashe igihe gito bugahita bumutwara ubuzima nk’uko byatangajwe n’ibiro bye. 

Senateri Lindsey Graham  azwi cyane nk’inshuti ikomeye y’u Rwanda, aho yashimangiye ubu bushuti mu buryo bufatika ubwo yahagarikaga ibihano byateganywaga gufatirwa u Rwanda mu ntangiriro za 2026, ndetse anakomeza ubufatanye mu by’umutekano, ubukungu n’uburinganire. 

Nk’uko byashimangiwe na BBC, Sen. Graham yatabarutse ku mugoroba wo ku wa Gatandatu tariki ya 11 Nyakanga 2026.

Lindsey Graham ni umwe mu basenateri b’Abanyamerika bafite ijambo rikomeye muri politiki y’ububanyi n’amahanga ya Leta Zunze Ubumwe za Amerika. Nubwo atigeze aba ambasaderi cyangwa intumwa yihariye mu Rwanda, yagize uruhare mu biganiro bireba u Rwanda cyane cyane ku bibazo by’umutekano mu Karere k’Ibiyaga Bigari.

Mu gihe cyose yamaze muri politiki, dore ko yatorewe guhagararira Leta ya Calorina mu mwaka wa 2002, yakomeje gushyigikira umubano mwiza hagati ya Leta Zunze Ubumwe za Amerika n’u Rwanda, anashyigikira gahunda zigamije guteza imbere umutekano n’iterambere ry’Igihugu.

Uyu Musenateri yanagize uruhare rukomeye mu guhuza u Rwanda na Repubulika Iharanira Demokarasi ya Congo (DRC) mu masezerano y’amahoro yashyiriweho umukono i Washington ku wa 4 Ukuboza 2025. 

Senateri Lindsey Graham yagiye agaragaza ko u Rwanda ari umufatanyabikorwa ukomeye wa Amerika mu butumwa bw’amahoro bwo kubungabunga amahoro, kurwanya iterabwoba, no guteza imbere umutekano mu Karere k’Ibiyaga Bigari, bituma agirana umubano wa hafi n’abayobozi b’u Rwanda, barimo Perezida wa Repubulika Paul Kagame.

Sen. Graham ntiyahwemye kugaragaza ko u Rwanda ari igihugu gifite agaciro mu mutekano wa Afurika, ko Amerika ikwiye gukomeza kugirana na rwo ibiganiro aho kwihutira ibihano, kandi ko ibibazo byo mu Burasirazuba bwa Congo bikwiye gukemurwa hifashishijwe dipolomasi no kureba impande zose zirebwa n’ayo makimbirane.  

Nk’umwe mu bayobozi ba USA bafite ijwi rikomeye, impuguke mu bya Politiki zivuga ko u Rwanda rubuze inshuti nziza, ireba kure kandi isesengura ibibazo idashyizemo kubogamira ku ntungu za Politiki. 

Ni yo mpamvu iyo agaragaje igitekerezo ku bibazo by’ububanyi n’amahanga, gikunze kwitabwaho cyane, kuko ari n’umwe mu bayobozi bari hafi ubuyobozi bwa Perezida Donald Trump. 

Sen. Graham aganira na Perezida wa Repubulika Paul Kagame
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27