Perezida Kagame na Libeskind baganiriye ku kimenyetso cy’Urwibutso kizajya ku Rwibutso rwa Jenoside rwa Kigali

Perezida Kagame na Libeskind baganiriye ku kimenyetso cy’Urwibutso kizajya ku Rwibutso rwa Jenoside rwa Kigali

Perezida wa Repubulika Paul Kagame yakiriye abarimo Daniel Libeskind, Umunyabugeni mu guhanga inyubako akaba n’uwashinze Studio Libeskind, ikigo cyo muri Leta Zunze Ubumwe za Amerika gikora ibijyanye no gushushanya inzu n’ibindi bijyanye n’imyubakire.

Libeskind yari kumwe n’itsinda ayoboye n’Umuyobozi Mukuru w’Umuryango KENUP Foundation, utera inkunga ibikorwa by’ubushakashatsi no guhanga ibishya mu rwego rw’ubuzima.

Ibiro by’Umukuru w’Igihugu, Village Urugwiro byatangaje ko Perezida Kagame yabakiriye ku gicamunsi cyo kuri uyu wa 25 Kamena 2026.

Ibiganiro byabo byibanze k’umushinga wo gushyiraho Ikimenyetso (Monument) kigaragaza amateka ya Jenoside yakorewe Abatutsi mu 1994 (National Genocide Monument), kizashyirwa ku Rwibutso rwa Jenoside rwa Kigali ruri ku Gisozi, hagamijwe kwimakaza imikoreshereze y’ikoranabuhanga mu kurushaho gushyiraho ahantu ho kwibukira no kwigisha amateka.

Studio Libeskind izakora uyu mushinga yashinze Studio Daniel Libeskind afatanyije n’umugore we Nina Libeskind mu 1989, nyuma yo gutsindira irushanwa ryo gukora inzu ndangamateka iri i Berlin mu Budage, Jewish Museum Berlin, umwe mu mishinga yamuhesheje izina ku Isi.

The Jewish Museum Berlin yashushanyijwe na Daniel Libeskind, umushinga wuzuye mu 1999 inzu ndangamurage itahwa mu 2001, ikaba ari inzu ndangamateka igaragaza ubuzima Abayahudi babayemo ndetse n’ingaruka za Jenoside bakorewe.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27