Perezida Kagame ari mu ruzinduko rw’akazi muri Qatar

Perezida Kagame ari mu ruzinduko rw’akazi muri Qatar

Mu gitondo cyo kuri iki Cyumweru, tariki ya 24 Gicurasi 2026, Perezida wa Repubulika Paul Kagame yageze i Doha muri Qatar mu ruzinduko rw’akazi. Perezida Paul Kagame n’intumwa zamuherekeje bakiriwe ku Kibuga Mpuzamahanga cy’Indege cya Doha n’Umunyabanga wa Leta muri Minisiteri y’Ububanyi n’Amahanga ya Qatar, Dr. Mohammed bin Abdulaziz bin Saleh Al Khulaifi, ndetse na Ambasaderi w’u Rwanda muri Leta ya Qatar, Igor Marara Kayinamura.

Uruzinduko rwa Perezida Kagame muri Qatar ruje rukurikira ibikorwa byinshi bishingiye ku  bufatanye n’ibiganiro hagati y’u Rwanda na Qatar byabaye mu mezi ashize. Muri Mata 2026, Perezida Kagame yoherereje Emir wa Qatar, Sheikh Tamim bin Hamad Al Thani ubutumwa bugamije  gushimangira umubano n’ubufatanye hagati y’ibihugu byombi bwajyanwe na Minisitiri w’Umutekano w’imbere mu gihugu, Dr. Vincent Biruta.

Mu Ugushyingo 2025, Sheikh Tamim bin Hamad Al Thani yasuye u Rwanda mu ruzinduko rw’akazi rw’iminsi ibiri aho yakiriwe na Perezida Kagame bagirana ibiganiro bigamije gushimangira umubano, anamugabira inka.

Ni mu gihe Qatar ikomeje kugira uruhare mu biganiro by’amahoro byo mu karere k’Ibiyaga Bigari, cyane cyane hagati y’u Rwanda na Repubulika Iharanira Demokarasi ya Congo (DRC). Muri Werurwe 2025, Perezida Kagame na Perezida  wa DRC Félix Tshisekedi bahuriye i Doha muri Qatar mu biganiro  bigamije guhosha intambara iri mu Burasirazuba bwa DRC. 

U Rwanda na Qatar bisanzwe bifitanye umubano mwiza w’igihe kirekire ushingiye ku bufatanye mu bukungu, iterambere, ubukerarugendo, ishoramari n’ibindi.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27