Perezida Kagame yakiriye Faure Gnassingbé Perezida w’Inama y’Abaminisitiri ya Togo

Perezida Kagame yakiriye Faure Gnassingbé Perezida w’Inama y’Abaminisitiri ya Togo

Perezida wa Repubulika y’u Rwanda Paul Kagame yakiriye Perezida w’Inama y’Abaminisitiri ya Togo, Faure Essozimna Gnassingbé uri mu Rwanda mu ruzinduko rw’akazi rw’umunsi umwe. Ibiro by’Umukuru w’Igihugu byatangaje ko Perezida Kagame yakiriye Gnassingbé mu gitondo cyo kuri uyu wa 13 Gicurasi 2026.

Itangazo rigira riti: ”Muri iki gitondo, Perezida Kagame yakiriye muri Village Urugwiro Faure Essozimna Gnassingbé, Perezida w’Inama y’Abaminisitiri ya Togo, uri mu ruzinduko rw’akazi rw’umunsi umwe mu Rwanda. Abakuru b’Ibihugu byombi bagiranye ibiganiro byibanze ku mubano mwiza ukomeje gushinga imizi hagati y’ibihugu byombi ndetse n’intambwe igenda iterwa mu gushakira umutekano n’ituze mu Karere”.

Perezida Gnassingbé usanzwe ari n’umuhuza washyizweho n’Umuryango wa Afurika Yunze Ubumwe (AU) mu kibazo cya Repubulika Iharanira Demokarasi ya Congo yaherukaga mu Rwanda muri Mutarama 2026, icyo gihe yakiriwe na Perezida Paul Kagame baganira ku kibazo cy’umutekano muke mu Burasirazuba bwa RDC.

Hamaze gukorwa ibijyanye n’ibiganiro bya dipolomasi byabayeho, ndetse n’uburyo bwo guhuza imikorere hagati y’ubuhuza bwo ku rwego rw’akarere n’ubwo ku rwego rw’Umugabane hagamijwe amahoro n’ituze mu Karere k’Ibiyaga Bigari.

U Rwanda na Togo bisanganywe umubaho mwiza ndetse muri Mutarama 2026, ibihugu byombi  byasinye amasezerano yo gukuriranaho gusaba visa ku baturage b’ibihugu byombi bafite pasiporo zitandukanye.

Perezida Paul Kagame na Faure Essozimna Gnassingbé baganiriye ku mubano w’ibihugu byombi n’umutekano mu Karere
Perezida Kagame yakiriye Faure Essozimna Gnassingbé uri mu Rwanda mu ruzinduko rw’akazi rw’umunsi umwe
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27