AU yashimangiye ko urwango rutazongera kugirwa umushinga wa politiki

AU yashimangiye ko urwango rutazongera kugirwa umushinga wa politiki

Perezida wa Komisiyo y’Umuryango wa Afurika Yunze Ubumwe (AU), Mahmoud Ali Youssouf, yashimangiye ko icyerekezo Afurika yihaye ari uko kwimika urwango bitazongera kwemerwa ko bihindurwa umushinga wa politiki.

Yabigarutseho kuri uyu wa 7 Mata, ubwo uyu Muryango wifatanyaga n’u Rwanda n’Isi yose mu gikorwa cyo Kwibuka ku nshuro ya 32 Jenoside yakorewe Abatutsi mu 1994, cyabereye ku cyicaro cya AU, i Addis Abeba muri Ethiopia.

Ati: ”Afurika ihamya ko kubiba urwango rwinjizwa muri politiki  bitazongera kubaho. Tugomba guhangana n’ibyago biri kwiyongera birimo imvugo zibiba urwango, amacakubiri n’ivangura rikabije tubinyujije mu kubaka ubumwe.”

Yakomeje avuga ko urugendo rw’u Rwanda rw’ubudaheranwa no kwiyubaka bigaragaza ko amateka mabi atari isezerano ahubwo ahindurwa n’ubushake bw’abantu. Ati: “Kwibuka bidusaba gukora, kurinda no kurengera agaciro ka muntu aho ari ho hose. Afurika ishyigikiye amahoro, ubutabera n’umutekano wa buri umwe.”

Tariki ya 26 Mutarama 2018 ni bwo Loni yasabye ko tariki ya 7 Mata iba Umunsi Mpuzamahanga wo kuzirikana Jenoside yakorewe Abatutsi mu 1994; inyito yahinduye iyari isanzwe ikoreshwa itaravugaga neza ukuri kw’ibyabaye.

Ibarura ryakozwe na Minisiteri y’Ubutegetsi bw’Igihugu mu 2000 rikamara imyaka ibiri (2000-2002), ryagaraje ko Abatutsi 1.074.017 bishwe mu gihe cy’iminsi ijana (Mata-Nyakanga 1994). Iyo hakozwe isesengura ry’iyi mibare, bigaragara ko buri munsi hicwaga ibihumbi icumi na mirongo irindwi na bane (10.074).

Perezida wa Komisiyo y’Umuryango wa Afurika Yunze Ubumwe (AU), Mahmoud Ali Youssouf, yavuze ko icyerekezo Afurika yihaye ari uko kwimika urwango bitazongera kwemerwa ko bihindurwa umushinga wa politiki
Abanyarwanda baba muri Ethiopia bibutse ku nshuro ya 32 Jenoside yakorewe Abatutsi mu 1994
Uyu muhango wabereye ku cyicaro cya AU, i Addis Abeba muri Ethiopia
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27