BNR igiye gukura ku isoko zimwe mu noti z’amafaranga y’u Rwanda

BNR igiye gukura ku isoko zimwe mu noti z’amafaranga y’u Rwanda

Banki Nkuru y’u Rwanda (BNR) yatangaje ko inoti zimwe zishaje z’amafaranga y’u Rwanda  zizahagarikwa gukoreshwa nk’amafaranga yemewe mu gihugu mu gihe cy’amezi 12 ari imbere. Ibi bikurikira iteka rya Perezida ryashyizweho ku wa 27 Gashyantare uyu mwaka, riteganya gukuraho agaciro k’amoko amwe y’inoti zari zisanzwe zikoreshwa.

Mu itangazo ryashyizwe ahagaragara ku wa 24 Werurwe, Banki Nkuru y’u Rwanda yavuze ko izo noti zitazongera kwemerwa nk’uburyo bwo kwishyura nyuma y’amezi 12 uhereye ku wa 2 Werurwe, ari wo munsi iteka ryatangarijwe mu Igazeti ya Leta.

Inoti zizagirwaho ingaruka ni iza 500 Frw zakozwe mu mwaka wa 2004 na 2013, iza 1 000 Frw zakozwe mu 2004 na 2015, iza 2 000 Frw zo mu 2007, ndetse n’iza 5 000 Frw zakozwe mu 2004 na 2009.

Banki Nkuru yasabye abafite izo noti kuzihinduranya mu gihe cyagenwe kugira ngo birinde ibibazo

Abazifite bashobora kujya kuzihindura muri banki z’ubucuruzi n’amashami ya Umwalimu SACCO hirya no hino mu gihugu mu gihe cy’amezi icyenda ari imbere uhereye ku wa 2 Werurwe 2026 kugeza ku wa 1 Ugushyingo 2026.

Nyuma y’icyo gihe, izo noti zizajya zihindurirwa gusa ku cyicaro gikuru cya Banki Nkuru y’u Rwanda kiri mu Kiyovu mu Mujyi wa Kigali no ku mashami yayo.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27