Perezida Kagame yakiriye Umunyamabanga Mukuru wa EAC

Perezida Kagame yakiriye Umunyamabanga Mukuru wa EAC

Perezida wa Repubulika y’u Rwanda Paul Kagame yakiriye Umunyamabanga Mukuru w’Umuryango wa Afurika y’Iburasirazuba (EAC), Veronica M. Nduva baganira ku gushimangira ubucuruzi n’ubufatanye mu Karere, ndetse n’ibikorwa by’ingenzi bigamije gushyigikira iterambere risangiwe muri uwo Muryango.

Ni ibiganiro byabaye kuri uyu wa Gatanu tariki ya 20 Gashyantare 2026, aho Veronica M. Nduva ari i Kigali yitabiriye Inama y’iminsi ibiri yasuzumaga intambwe imaze guterwa mu bijyanye no kwihuza kw’Ibihugu bigize Umuryango wa Afurika y’Iburasirazuba.

U Rwanda rumaze imyaka 19 ari umunyamuryango wa EAC, aho iyo myaka yose yaranzwe n’ibikorwa bitandukanye bigamije ubufatanye n’ibihugu by’ibinyamuryango mu gutahiriza umugozi umwe.

Imishinga ikomeye ihuza ibyo bihugu irimo gushakira amahoro Akarere ku buryo buhuriweho, gukora uburyo ibicuruzwa biva mu bihugu bimwe bijya mu bindi, byanyuzwa ku mipaka y’ibigize Akarere bidaciwe imisoro ya gasutamo, ibijyanye n’Isoko rusange rya Afurika, pasiporo ya EAC n’ibindi byoroshya imigenderanire byashyizweho, kugira ngo abaturage b’icyo gice bibonanemo bya kivandimwe.

Imibare iheruka gutangazwa mu 2025 igaragaza ko EAC ibarizwamo abaturage babarirwa muri miliyoni 302 bo mu Rwanda, u Burundi, Uganda, RDC, Sudani y’Epfo, Tanzanie, Kenya na Somalia.

Perezida Kagame n’Umunyamabanga Mukuru wa EAC baganiriye ku Iterambere ry’uyu Muryango
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27